టాలీవుడ్ యంగ్ హీరో అక్కినేని అఖిల్ నటించిన 'ఏజెంట్' సినిమా శుక్రవారం థియేటర్లలో గ్రాండ్గా విడుదలైంది. స్టార్ డైరెక్టర్ సురేందర్ రెడ్డి తెరకెక్కించిన ఈ స్పై యాక్షన్ థ్రిల్లర్కు తొలి రోజే మిశ్రమ స్పందన లభించింది. భారీ అంచనాలతో విడుదలైన ఈ సినిమా.. ప్రేక్షకుల ఎక్స్పెక్టేషన్స్ అందుకోవడంలో విఫలమయ్యింది. దీంతో సోషల్ మీడియా వేదికగా అఖిల్తో పాటు ఈ సినిమాపై నెటిజన్లు పెద్ద ఎత్తున ట్రోలింగ్ చేయడం మొదలెట్టారు. ఈ నేపథ్యంలో అఖిల్ తల్లి అమల అక్కినేని ఈ ట్రోలింగ్స్పై ఇన్స్టా వేదికగా స్పందించారు.
తన ఇన్స్టాలో ఓ కొటేషన్ గల పోస్ట్ను షేర్ చేసిన ఆమె ఓ క్యాప్షన్ను రాసుకొచ్చారు. "ట్రోలింగ్ అనేది లోతైన అభద్రతతో పాటు సాధించవలసిన అవసరం ఉన్నప్పుడే వస్తుందని నేను అర్థం చేసుకుంటున్నాను. నేను నిన్న ఏజెంట్ సినిమా చూశాను. నిజంగా నేను చాలా ఎంజాయ్ చేశాను. ఇందులో కొన్ని లోపాలున్నప్పటికీ మీరు ఓపెన్ మైండ్తో ఈ సినిమా చూస్తే కచ్చితంగా ఆశ్చర్యపోతారు. నేను సినిమా చూసిన థియేటర్ జనంతో కిక్కిరిసిపోయింది. ఆడియన్స్లో సగం మంది మహిళలు, తల్లులు, అమ్మమ్మలతో పాటు వారి భర్తలు, కొడుకులు ఉన్నారు. యాక్షన్ సీన్లకు వారు గట్టిగా కూడా అరిచారు. అఖిల్ అప్కమింగ్ మూవీ ఇంకా పెద్దగా, బెటర్గా ఉంటుందని నేను కచ్చితంగా చెబుతున్నాను" అని అన్నారు.
- " class="align-text-top noRightClick twitterSection" data="
">
వాస్తవానికి అఖిల్ 'ఏజెంట్' సినిమా కోసం మూడేళ్ల పాటు శ్రమించారు. హార్డ్ వర్క్ చేసి కండలు తిరిగిన సిక్స్ ప్యాక్ బాడీని తెచ్చుకుని, పూర్తిగా మేకోవర్ అయ్యాడు. అంతే కాకుండా స్పైగా కనిపించేందుకు తనని తాను సరికొత్తగా ఆవిష్కరించుకున్నారు. రా ఏజెంట్ గా కనిపించి ఆకట్టుకున్న అఖిల్.. యాక్షన్ సీన్స్లో అదరగొట్టాడు. అయినప్పటికీ ఆయనపై ట్రోల్స్ ఆగటం లేదు.
ఇక సినిమా విషయానికి వస్తే.. ప్రముఖ రచయిత వక్కంతం వంశీ ఈ సినిమాకు స్టోరీ అందించారు. ఇందులో అఖిల్ సరసన సాక్షి వైద్య నటించారు. ఇది ఆమె మొదటి సినిమా. అంతే కాకుండా ఈ సినిమాలో మలయాళ మెగాస్టార్ మమ్ముట్టి ఓ కీలక పాత్రలో నటించారు. వరలక్ష్మి శరత్ కుమార్, డియో మోరియా, మురళీ శర్మ, అజయ్, సత్య లాంటి స్టార్స్ సైతం ఇందులో కీలక పాత్రలు పోషించారు. రసూల్ ఎల్లోర్ సినిమాటోగ్రఫీ అందిచగా.. హిప్ హాప్ తమిజ ఈ సినిమాకు సంగీతాన్ని సమకూర్చారు. నవీన్ నూలి ఎడిటిర్గా పని చేశారు. ఏకే ఎంటర్టైన్మెంట్ బ్యానర్పై తెరకెక్కిన ఈ సినిమాకు అనిల్ సుంకర నిర్మాతగా వ్యవహరించారు.
