vijay thalapathy shankar movie : మెగాపవర్ స్టార్ రామ్‌ చరణ్తో 'గేమ్ ఛేంజర్', యూనివర్సల్ స్టార్ కమల్హాసన్తో 'ఇండియన్ 2' వంటి భారీ సినిమాలు చేస్తున్నారు దిగ్గజ దర్శకుడు శంకర్. ఈ రెండు సినిమాలను బ్యాలెన్స్ చేస్తూ షూటింగ్ చేస్తున్నారు శంకర్. ఇప్పటికే కొన్ని షెడ్యూళ్లు కూడా పూరయ్యాయి. అయితే ఇవి పూర్తి కాకముందే ఆయన మరో సినిమాను లైన్లో పెట్టినట్లు తెలిసింది. కోలీవుడ్ స్టార్ హీరో దళపతి విజయ్తో కలిసి ఆయన సినిమా చేయబోతున్నారట. ప్రస్తుతం ఈ విషయం కోలీవుడ్లో హాట్టాపిక్గా మారింది.
ఇప్పటికే శంకర్-విజయ్ మధ్య చర్చలు జరిగాయని సమాచారం అందింది. శంకర్.. కథకు సంబంధించిన మెయిన్ పాయింట్ను వివరించారట. అది విజయ్కు బాగా నచ్చి సినిమాకు ఓకే చెప్పారని తెలిసింది. ఈ చిత్రం హార్డ్ హిట్టింగ్ పొలిటికల్ థ్రిల్లర్గా రాబోతుందని అంటున్నారు. దళపతి 69 లేదా దళపతి 70గా ఇది రూపొందే అవకాశం ఉంది. ఇండియన్ 2, గేమ్ ఛేంజర్ సినిమాలు పూర్తయ్యాక.. విజయ్ సినిమా కోసం పూర్తి స్క్రిప్ట్ రాయడం ప్రారంభించనున్నారట. ఒకవేళ ఇదే కనుక నిజమైతే మళ్లీ 11 ఏళ్ల తర్వాత (స్నేహితుడు సినిమా) వీరిద్దరు కలిసి సినిమా చేసినట్టవుతుంది.
ప్రస్తుతం కోలీవుడ్ రాజకీయాల్లోకి విజయ్ దళపతి ఎంట్రీ ఇవ్వనున్నారని తెగ ప్రచారం సాగుతోంది. ఆయన పాదయాత్రకు సన్నద్ధం అవుతోన్నట్లుగా వార్తలు వస్తున్నాయి. ప్రస్తుతం ఈ న్యూస్ తమిళనాడు అంతటా హాట్ టాపిక్‌గా మారింది. అక్కడి సినిమా ఇండస్ట్రీతో పాటు రాజకీయ రంగంలోనూ ప్రకంపనలు సృష్టిస్తోంది. ఇదే సమయంలో విజయ్.. శంకర్తో కలిసి ఓ పొలిటికల్ థ్రిల్లర్ సినిమాకు ఓకే చెప్పారని వార్తలు రావడం మరింత ఆసక్తికరంగా మారింది. చూడాలి మరి ఏం జరుగుతుందో..
RC 15 Gamechanger movie update: గేమ్ఛేంజర్ అప్డేట్.. ఇకపోతే తాజాగా శంకర్ షూటింగ్‌కు సంబంధించిన ఓ అప్డేట్ను సోషల్‌మీడియాలో షేర్‌ చేశారు. గేమ్ ఛేంజర్ షూటింగ్ తిరిగి ప్రారంభమైనట్లు పేర్కొన్నారు. యాక్షన్ సన్నివేశాలను చిత్రీకరిస్తున్నట్లు తెలిపారు. షూటింగ్ స్పాట్‌లో ఉన్న ఫొటోను కూడా పోస్ట్ చేశారు. మరోవైపు ఈ సినిమా కోసం 'కేజీఎఫ్‌'లో అద్భుతమైన యాక్షన్ సన్నివేశాలను తెరకెక్కించిన అన్బు, అరివులు రంగంలోకి దిగినట్లు వార్తలు వస్తున్నాయి. దీంతో ఈ సినిమాలోని ఫైటింగ్‌ యాక్షన్ సీక్వెన్స్పై అంచనాలు భారీగా పెరిగిపోయాయి.
ఇదీ చూడండి :
RC 15: రూ.15కోట్లతో మరో పాట.. ఏకంగా 500 మంది డ్యాన్సర్లతో!
రాజకీయ నేతగా చరణ్.. భారీగా తరలివచ్చిన అభిమానులు.. పోలీసుల ఆంక్షలు!
