మాస్​ మహారాజా ర‌వితేజ రుణం తీర్చుకున్న సునీల్!

మాస్​ మహారాజా రవితేజకు ఓ చిన్నపాటి సాయం చేసి తన రుణాన్ని తీర్చుకున్నారు కమెడియన్ సునీల్​! ఆ వివరాలు..

సినీ ఇండస్ట్రీలో నటీనటులు, డైరెక్టర్స్​, ప్రొడ్యూసర్స్​ మధ్య ఫ్రెండిష్​ బాండింగ్ కాస్త ఎక్కువగానే ఉంటుంది. అవసరమైన సందర్భాల్లో ఒకరికోసం మరొకరు ఏదో విధంగా సాయం చేసుకుంటుంటారు. ముఖ్యంగా తమ చిత్రాలను ఆడియెన్స్​లో తీసుకెళ్లేందుకు తమ బాండింగ్​నే ప్రమోషన్స్​కు వినియోగించుకుంటుంటారు. అలా ఇమేజ్​ ఉన్న ఆర్టిస్టులు.. తమ సన్నిహితుల సినిమా కోసం క్యామియోలు చేయడం, వాయిస్​ ఓవర్​లు ఇవ్వడం, ప్రమోషన్స్​లో పాల్గొనడం వంటివి మనం చూస్తూనే ఉంటుంటాం. ఈ మధ్య ఈ ట్రెండ్​ కాస్త ఎక్కువైందనే చెప్పాలి. అయితే వీటిలో కొన్నిసార్లు ఫైనాన్షియ‌ల్ కోణం కూడా ఉండొచ్చు! ఇక విషయానికొస్తే.. ఇప్పుడు క‌మెడియ‌న్ సునీల్.. హీరో, క్యారెక్టర్ ఆర్టిస్ట్​గా మారి వ‌రుస‌గా సినిమాలు చేస్తున్న సంగతి తెలిసిందే. అయితే ఇదే సమయంలో మాస్​ మహారాజ్​ రవితేజకు ఓ చిన్న‌పాటి సాయం చేశారు! ఇంకా చెప్పాలంటే తన రుణాన్ని తీర్చుకున్నారేమో!

గతంలో సునీల్​ కెరీర్​లో మ‌ర్యాద‌ రామ‌న్న ఎంతటి విజయాన్ని అందుకుందో ప్రత్యేకంగా చెప్పనక్కర్లేదు. రాజమౌళి దర్శకత్వం వహించిన ఈ సినిమాలో సునీల్​తో పాటు ఆయన సైకిల్​ కూడా కాస్త కీలక పాత్ర పోషించింది. అయితే ఈ సైకిల్​కు బ్యాక్​గ్రౌండ్​లో మాస్​ మాహారాజ్​ రవితేజ తనదైన స్టైల్​లో వాయిస్ ఇవ్వడం సినిమాకు మంచి ఫన్​గా హైలైట్​గా నిలిచింది​. ఆ సైకిల్​ క్యారెక్ట‌ర్‌కు బాగా సెట్ట‌యింది. అలానే ఆడియెన్స్​కు మంచి వినోదాన్ని పంచింది. వాస్తవానికి అప్పట్లో రాజ‌మౌళి అడిగితే ర‌వితేజ.. ఈ డబ్బింగ్​ చెప్పి ఉండొచ్చు కానీ.. అది సునీల్‌కు, సినిమాకు బాగా ప్లస్​ అయింది. అయితే అప్ప‌టీ సాయానికి. ఇప్పుడు సునీల్​ రుణం తీర్చుకున్నారు!

ఎలా అంటే.. ర‌వితేజ నిర్మాతగా తాజాగా ఛాంగురే బంగారు రాజా అనే ఓ చిన్న సినిమాను రూపొందించారు. తాజాగా ఈ చిత్ర టీజర్​ రిలీజైంది. ఇందులో కేరాఫ్ కంచ‌ర‌పాలెం ఫేమ్ కార్తీక్ రాజు, స‌త్య‌, డైరెక్టర్​ కమ్​ యాక్టర్​ ర‌విబాబు కీలక పాత్ర‌లు పోషించారు. స‌తీష్ వ‌ర్మ అనే యంగ్​ ద‌ర్శ‌కుడు దీనిని తెరకెక్కించారు. ఆద్యంతం వినోదాత్మ‌కంగా సాగుతూ ఆడియెన్స్​ దృష్టిని ఆకర్షించిన ఈ ప్రచార చిత్రంలో.. ఓ కుక్క పాత్ర కూడా కీల‌కం. సినిమాలో క‌థ‌ను మ‌లుపు తిప్పేది కూడా ఈ కుక్క పాత్రే. దాని పేరు వీర బొబ్బిలి. ఈ పాత్ర‌కు సినిమా మొత్తం వాయిస్ ఓవర్​ ఇచ్చింది సునీలే కావడం విశేషం. తనదైన స్టైల్​లో కామెడీ ట‌చ్‌ను చేస్తూ.. ఫ‌న్నీగా వాయిస్ ఓవ‌ర్ ఇచ్చారు. ఫైనాన్షియల్​ కోణం పక్కనపెడితో.. అలా గతంలో తన సైకిల్ పాత్ర‌కు రవితేజ వాయిస్ ఓవర్​ ఇస్తే.. ఇప్పుడు రవితేజ నిర్మించిన సినిమాలో కుక్క పాత్ర‌కు తన గొంతు అరువిచ్చారు సునీల్​.

• " class="align-text-top noRightClick twitterSection" data="">

ఇదీ చూడండి: టాలీవుడ్ గన్​ VS కోలీవుడ్ కత్తి.. అయ్యగారు సింగిల్​గా.. మణిరత్నం మల్టీస్టారర్​గా!