టాలీవుడ్ స్టార్ హీరోయిన్ సమంత వరుస ఆఫర్లతో దూసుకెళ్త్నున్నారు. గత కొంతకాలంగా మయోసైటిస్తో బాధపడుతున్న ఈ తార ట్రీట్మెంట్ తీసుకుంటునే సినిమా షూట్లల్లో పాల్గొంటున్నారు. ఇప్పటికే యశోద సినిమా సక్సెస్ను ఆస్వాదిస్తున్న ఈ తార ఆ తర్వాత విజయ దేవర కొండ ఖుషి సినిమాతో పాటు హాలివుడ్ సిరీస్ సిటాడెల్ షూట్లతో బిజీగా ఉన్నారు. అయితే గతంలో తన ఆరోగ్య సమస్యల కారణంగా ఈ ప్రాజెక్ట్ నుంచి సమంత తప్పుకున్నట్లు వార్తలొచ్చాయి. కాగా ఆ రూమర్స్కు చెక్క్ పెట్టేందుకు ప్రముఖ ఓటీటీ వేదిక అమెజాన్ ప్రైమ్ సమంతకు సంబంధించిన ఓ యాక్షన్ పోస్టర్ను రిలీజ్ చేసింది. దీంతో ఫ్యాన్స్ ఫుల్ ఖుషి అయ్యారు.
ఫుట్టైమ్ యాక్షన్ ఎంటర్టైనర్గా తెరకెక్కనున్న ఈ సిటాడెల్ ఇండియన్ వెర్షన్లో సామ్ భారీ యాక్షన్ సీన్స్లో నటించనున్నారట. దీని కోసం ఆమె శిక్షణ కూడా తీసుకున్నారట. ఓ వైపు షూటింగులతో బిజీగా ఉన్నప్పటికీ తన గురించి ఆందోళన చెందే ఫ్యాన్స్ కోసం సోషల్ మీడియాలో యాక్టివ్గా ఉంటారు సామ్. ఈ క్రమంలోనే తాజాగా ఇన్స్టాగ్రామ్ వేదికగా తన లేటెస్ట్ ఫొటోను షేర్ చేశారు. అది చూసిన అభిమానులు మరింత ఆందోళన చెందుతున్నారు. ఇన్స్టా స్టోరీలో గాయాలపాలైన తన రెండు చేతుల ఫొటోను షేర్ చేసిస సమంత.. యాక్షన్ సీన్స్ చేసినందుకు దొరికిన ప్రోత్సాహకాలు అంటూ క్యాప్షన్ను జోడించారు. ప్రస్తుతం ఈ ఫొటో నెట్టింట వైరలవుతోంది. టెక్ కేర్ సామ్ అంటూ అభిమానులు కామెంట్లు పెడుతున్నారు.
ఇక ఈ సిరీస్ విషయానికి వస్తే.. సిటాడెల్ ఇండియన్ వెర్షన్కు ఇంకా టైటిల్ను ఖరారు చేయలేదు ప్రొడక్షన్ హౌస్. ఫ్యామిలీ మ్యాన్ సిరీస్ దర్శకులు రాజ్,డీకే ఈ సిరీస్కు దర్శకత్వం వహిస్తున్నారు. కాగా ఈ ముగ్గురూ ఇంతకుముందు 'ద ఫ్యామిలీ మ్యాన్ 2 'కు పనిచేశారు. గూఢచర్యం నేపథ్యంలో సాగే సిటాడెల్ కథ కోసం వరుణ్‌ ధావన్‌, సమంత తొలిసారి కలిసి నటిస్తున్నారు. ఇందులో వీరిద్దరు గూఢచారులుగా కనిపించనున్నారట. ఈ సిరీస్ సెట్స్‌పైకి వెళ్లే ముందు వరుణ్‌ ధావన్‌, సమంత ఇద్దరూ యాక్షన్ సన్నివేశాల కోసం ప్రత్యేకంగా శిక్షణ తీసుకోనున్నట్లు తెలుస్తోంది. అంతే కాకుండా ముంబయితో పాటు నార్త్ ఇండియా, సెర్బియా అలాగే దక్షిణాఫ్రికాలో కూడా సిటాడెల్ చిత్రీకరణ జరుగుతుందని మేకర్స్ తెలిపారు.
హాలీవుడ్ 'సిటాడెల్'కు ప్రియాంక..
మరోవైపు సిటాడెల్ హాలీవుడ్ వెర్షన్లో ప్రియాంక చోప్రా నటిస్తున్నారు. ఎలైట్ గూఢచారి నదియా సిన్ అనే పాత్ర పోషిస్తున్నారు. దీనికి ప్రముఖ దర్శకులు రస్సో బ్రదర్స్ తెరకెక్కిస్తున్న ఈ సైన్స్ ఫిక్షన్ డ్రామా.. మొదటి రెండు ఎపిసోడ్లు ఏప్రిల్ 28న ప్రముఖ ఓటీటీ సంస్థ అమెజాన్ ప్రైమ్లో స్ట్రీమ్ కానున్నాయి. ఈ నేపథ్యంలో తాజాగా ప్రియాంకకు సంబంధించిన గ్లింప్స్ను విడుదల చేసింది అమెజాన్ టీమ్.
- " class="align-text-top noRightClick twitterSection" data="
">
