ఐకాన్ స్టార్ అల్లు అర్జున్ శనివారం 41 ఏట అడుగుపెట్టారు. ఈ సందర్భంగా వివిధ రంగాలకు చెందిన సెలబ్రిటీలందరూ ఆయనకు సోషల్ మీడియా వేదికగా బర్త్డే విషెస్ తెలిపారు. అభిమానులు సైతం జోరుగా సంబరాలు చేశారు. ఇక సినీ ప్రముఖులు కుడా తమదైన శైలిలో బన్నీకి శుభాకాంక్షలు తెలిపారు. అయితే ఇప్పుడు ఓ స్టార్ హీరో చేసిన ట్వీట్ ప్రస్తుతం సామాజిక మాధ్యమాల్లో హల్ చల్ చేస్తోంది. ఆ ట్వీట్ చూసిన ప్రతి ఒక్కరు ఆయన టైమింగ్కు తెగ మెచ్చుకుంటున్నారు. ఇంతకీ ఆయనెవరో కాదు మన 'ఆర్ఆర్ఆర్' స్టార్ జూనియర్ ఎన్టీఆర్.
శనివారం ట్విట్టర్ వేదికగా బన్నీకి విష్ చేశారు తారక్. "హ్యాపీ బర్త్ డే అల్లు అర్జున్ బావా.. ఇలాంటి వేడుకలు నువ్వు ఘనంగా జరుపుకోవాలి" అంటూ ట్వీట్ చేశారు. ఇక ఎన్టీఆర్ ట్వీట్కు రిప్లై ఇచ్చిన బన్నీ"థాంక్యూ ఫర్ యువ‌ర్ లవ్లీ విషెష్ బావా.. వార్మ్ హ‌గ్స్" అంటూ రిప్లై ఇచ్చారు. ఇక మన తారక్ దానికి ఓ అదిరిపోయే ట్వీట్తో రిప్లై ఇచ్చారు. "ఓన్లీ హ‌గ్సేనా.. పార్టీ లేదా పుష్ప అంటూ.. న‌వ్వుతున్న ఎమోజీని ట్వీట్ చేశారు. దానికి బన్నీ కూడా 'వస్తున్నా' అంటూ తనదైన స్టైల్లో రిప్లై ఇచ్చారు. ఇక ఈ ట్వీట్ చాట్ సోషల్ మీడియాలో ట్రెండ్ అవుతోంది. అంతే కాకుండా అటు బన్నీ ఫ్యాన్స్.. ఇటు తారక్ అభిమానులు ఫుల్ దిల్ ఖుష్ అవుతున్నారు.
-
Wishing you a Very Happy Birthday Bava @alluarjun. Have a great one !!
— Jr NTR (@tarak9999) April 8, 2023 " class="align-text-top noRightClick twitterSection" data="
">Wishing you a Very Happy Birthday Bava @alluarjun. Have a great one !!
— Jr NTR (@tarak9999) April 8, 2023Wishing you a Very Happy Birthday Bava @alluarjun. Have a great one !!
— Jr NTR (@tarak9999) April 8, 2023
-
Only hugs? Party Leda Pushpa? 🤣
— Jr NTR (@tarak9999) April 8, 2023 " class="align-text-top noRightClick twitterSection" data="
">Only hugs? Party Leda Pushpa? 🤣
— Jr NTR (@tarak9999) April 8, 2023Only hugs? Party Leda Pushpa? 🤣
— Jr NTR (@tarak9999) April 8, 2023
ఇక ఈ ఇద్దరు స్టార్ హీరోల సినిమా అప్డేట్స్ విషయానికి వస్తే.. అల్లు అర్జున్ ప్రస్తుతం పుష్ప సినిమా సీక్వెల్ షూటింగ్లో బిజీగా ఉన్నారు. ఆయన బర్త్డే సందర్భంగా రిలీజ్ చేసిన ఓ పోస్టర్ ప్రస్తుతం ట్రెండింగ్లో ఉంది. ఇక అదే రోజు రిలీజ్ చేసిన ఓ వీడియో గురించే ఇప్పుడు అందరు చర్చించుకుంటున్నారు. ఈ సినిమా షూటింగ్ ప్రస్తుతం శరవేగంగా జరుగుతోంది. పుష్ప సినిమాతో పాన్ ఇండియా స్టార్గా ఎదిగిన అల్లు అర్జున్ ఈ సీక్వెల్తోనూ అదరగొట్టి మరోసారి బాక్సాఫీస్ను షేక్ చేస్తారని అభిమానులు ఆశిస్తున్నారు.
మరో వైపు జూనియర్ ఎన్టీఆర్ కూడా వరుస ప్రాజెక్టులతో బిజీ అయిపోయారు. రీసెంట్గా కొరటాల శివ దర్శకత్వంలో తెరకెక్కుతున్న 'NTR30' చిత్రీకరణలో పాల్గొన్నారు. మరోవైపు కేజీఎఫ్ డైరెక్టర్ ప్రశాంత్ నీల్తో ఓ సినిమాకు సైన్ చేశారు. సలార్ తర్వాత ఈ సినిమా సెట్స్పైకి వెళ్లే సూచనలు కనిపిస్తున్నాయని సినీ వర్గా టాక్. అంతే కాకుండా తారక్.. త్వరలోనే ఓ స్టార్ హీరో సినిమాతో బాలీవుడ్లో తెరంగేట్రం చేయనున్నారు.
