'ఆర్ఆర్ఆర్'.. గతేడాది రిలీజైన ఈ సినిమా బాక్సాఫీస్ బద్దలు కొట్టడమే కాకుండా తెలుగు సినిమా హిస్టరీలో ఓ సరికొత్త అధ్యయనాన్ని లిఖించింది. సరిగ్గా ఏడాది క్రితం ఇదే రోజున ఈ సినిమా రిలీజయ్యింది. కానీ అభిమానులందరికి ఇప్పటికీ ఈ సినిమా కొత్తగానే అనిపిస్తుంటుంది. అసలు ఆర్ఆర్ఆర్లోని మూడు ఆర్లకు రౌద్రం, రణం,రుధిరం అని అర్థం. కానీ ఈ సినిమాకొచ్చిన పాపులారిటీతో అది కాస్త రాజమౌళి, రామ్ చరణ్, రామారావుగా మారింది! అంతటి రేంజ్ను సంపాదించుకున్న ఈ సినిమా ఇప్పటికీ పలు థియేటర్లలో రన్ అవుతోందంటే ఆశ్చర్యపోనక్కర్లేదు!
ప్రతిష్ఠాత్మక అవార్డులతో పాటు ప్రముఖుల ప్రశంసల వెల్లువతో పాన్ వరల్డ్ రేంజ్లోకి ఎదిగింది ఈ సినిమా. జేమ్స్ కామెరూన్, స్టీవ్ స్పిల్ బర్గ్ లాంటి దిగ్గజాలు సినిమాను చూసి ఆర్ఆర్ఆర్ టీమ్ను కొనియాడిన సందర్భాలు ఉన్నాయి. ఇక 'నాటు నాటు' సాంగ్కు ఆస్కార్ దక్కడంతో తెలుగోడి ఖ్యాతి విశ్వవ్యాప్తమైంది. అంతకు మందు ఆర్ఆర్ఆర్ను ప్రతిష్ఠాత్మక గోల్డెన్ గ్లోబ్ అవార్డు కూడా వరించింది.
- " class="align-text-top noRightClick twitterSection" data="
">
ఇక ఈ సినిమా తర్వాత 'ఆర్ఆర్ఆర్' తారలు వరుస ఆఫర్లతో బిజీగా అయిపోయారు. ఓ వైపు రామ్ చరణ్.. స్టార్ డైరెక్టర్ శంకర్ దర్శకత్వంలో తెరకెక్కుతున్న ఆర్సీ 15లో నటిస్తున్నారు. ఈ ప్రాజెక్ట్ తర్వాత కన్నడ దర్శకుడు ప్రశాంత్ నీల్ శిష్యుడు దర్శకుడు నర్తన్తో ఓ సినిమాకు సైన్ చేశారట. మరోవైపు జూనియర్ ఎన్టీఆర్.. కొరటాల శివ దర్శకత్వంలో తెరకెక్కుతున్న ఎన్టీఆర్ 30 సినిమాలో నటిస్తున్నారు. తాజాగా పూజా కార్యక్రమంతో సెట్స్ పైకి వెళ్లిన ఈ సినిమాలో ఎన్టీఆర్కు జోడీగా దివంగత నటి శ్రీదేవి తనయ జాన్వీ కపూర్ నటిస్తోంది. ఇందులో ఎన్టీఆర్ రోల్ చాలా డిఫరెంట్గా ఉంటుందని దర్శకుడు పేర్కొన్నారు. మృగాలను వేటాడే మగాడిగా కనిపించనున్నారని తెలిపారు. ఈ సినిమా తర్వాత 'కేజీఎఫ్' డైరెక్టర్ ప్రశాంత్ నీల్తో తారక్ పాన్ ఇండియా సినిమాలో నటించనున్నారు.
దర్శకధీరుడు రాజమౌళి విషయానికొస్తే.. 'ఆర్ఆర్ఆర్' తర్వాత ఈయన ప్రస్తుతం సూపర్ స్టార్ మహేశ్ బాబుతో ఓ సినిమాను స్టార్ట్ చేయనున్నారు. SSMB 29 అనే వర్కింగ్ టైటిల్తో తెరకెక్కనున్న ఈ సినిమా కోసం ఇప్పటికే జక్కన్న టీమ్ సన్నాహాలు ప్రారంభించింది. ఇక ఈ సినిమా అడ్వెంచర్ నేపథ్యంలో సాగనుంది.
'నా వల్లే ఆస్కార్ వచ్చింది'
బాలీవుడ్ స్టార్ హీరో అజయ్ దేవ్గణ్ ఇటీవలే 'నాటు నాటు' సాంగ్పై సంచలన వ్యాఖ్యలు చేశారు. ఆయన వల్లే ఆ సాంగ్కు ఆస్కార్ అవార్డు వచ్చిందంటూ చెప్పుకొచ్చారు. ఇటీవలే ఆయన నటించిన 'భోళా' మూవీ ప్రమోషన్లలో భాగంగా ఓ ప్రముఖ కామెడీ రియాలిటీ షోలో ఈ విషయాన్ని వెల్లడించారు. ఆ సమయంలో యాంకర్ అడిగిన ప్రశ్నకు ఈ సమాధానం ఇచ్చారు.
అందులో.. 'నాటు నాటు'కి ఆస్కార్ రావడం గురించి హోస్ట్ ప్రశ్న అడగ్గా.. దానికి 'నా వల్లే ఆర్ఆర్ఆర్‌కి ఆస్కార్ వచ్చింది' అంటూ సమాధానమిచ్చారు. అది విన్న హోస్ట్ ఒక్కసారిగా షాక్కు గురై.. అదేలా అని అడిగారు. తాను డ్యాన్స్ చేసి ఉంటే కచ్చితంగా ఆస్కార్ వ‌చ్చేది కాద‌ని సరదాగా బదులిచ్చారు. దీంతో అక్కడున్న వారంతా పొట్ట చెక్కలయ్యేలా నవ్వుకున్నారు. ప్రస్తుతం ఈ వీడియో నెట్టింట వైరలవుతోంది.
- " class="align-text-top noRightClick twitterSection" data="
">
