Prabhas Adipurush Movie : పాన్ ఇండియా హీరో ప్రభాస్, కృతి సనన్ జంటగా బాలీవుడ్ డైరెక్టర్ ఓం రౌత్ తెరకెక్కిస్తున్న లేటెస్ట్ మైథలాజికల్ మూవీ 'ఆదిపురుష్'. రామాయణం ఇతిహాసం ఆధారంగా తెరకెక్కుతున్న ఈ సినిమాలో ప్రభాస్ శ్రీరాముడిగా, కృతి సనన్ సీతగా, సైఫ్ అలీ ఖాన్ రావణుడిగా కనిపించనున్నారు. షూటింగ్ ముగించుకుని ప్రస్తుతం ప్రమోషన్ కార్యక్రమాలతో బిజీ బిజీగా ఉన్న మూవీ టీమ్.. ఇటీవల సినిమా నుంచి ట్రైలర్తో పాటు జైశ్రీరామ్ అనే లిరికల్ సాంగ్ను విడుదల చేసింది. వాటికి ప్రేక్షకుల నుంచి మంచి స్పందన లభించింది.
- " class="align-text-top noRightClick twitterSection" data="">
Adipurush Movie Budget : అయితే ఆదిపురుష్ రిలీజ్కు ముందే బడ్జెట్లో దాదాపు 85 శాతం రికవరీ చేసినట్లు వార్తలు వినిపిస్తున్నాయి. ఆదిపురుష్ మూవీకి నిర్మాతలు సుమారు రూ.500 కోట్ల బడ్జెట్ను కేటాయించారు. అయితే సినిమా ఇంకా థియేటర్లలోకి రాకముందే ఏకంగా రూ.432 కోట్లు రాబట్టినట్టు బాలీవుడ్ వర్గాలు అంటున్నాయి. పాన్ ఇండియాలో లెవెల్లో తెరకెక్కిన ఆదిపురుష్ సినిమా సాటిలైట్ రైట్స్, ఆడియో రైట్స్, డిజిటల్ రైట్స్ మరియు ఇతర అనుబంధ హక్కులతో కూడిన నాన్ థియేట్రికల్ రైట్స్ మొత్తం రూ.247 కోట్లకు అమ్ముడయ్యాట.
- " class="align-text-top noRightClick twitterSection" data="">
Adipurush Pre Release Business : దీంతోపాటు ఈ సినిమాకు సౌత్ థియేట్రికల్ రైట్స్ ద్వారా సుమారు రూ.185 కోట్లు వచ్చినట్లు చెబుతున్నారు. అలా నాన్ థియేట్రికల్, థియేట్రికల్ మొత్తం కలుపుకొని విడుదలకు ముందే ఈ సినిమాకు రూ.432 కోట్లు రాబట్టినట్లు సమాచారం. ట్రేడ్ అంచనాల ప్రకారం ఈ సినిమా ప్రీ రిలీజ్ బిజినెస్ కూడా ఓ రేంజ్లో జరుపుకోవడం ఖాయమని అంటున్నారు. అంతేకాదు ఈ సినిమాకు ఓపెనింగ్స్ కూడా భారీగానే వచ్చే అవకాశం ఉంది. ఆదిపురుష్ విడుదలైన మూడు రోజులకే బాలీవుడ్లో రూ.100 కోట్లు కొల్లగొట్టడం ఖాయమని అంటున్నారు ట్రేడ్ పండితులు.
- " class="align-text-top noRightClick twitterSection" data="">
Adipurush Pre Release Event : టీ సిరీస్, రెట్రో ఫైల్స్ బ్యానర్పై భూషణ్ కుమార్ ఈ సినిమాను పాన్ ఇండియా లెవెల్లో నిర్మించారు. జూన్ 16న ప్రపంచవ్యాప్తంగా రిలీజ్ కాబోతున్న ఈ సినిమాలో లక్ష్మణుడి పాత్రలో సన్నీ సింగ్, హనుమంతుని పాత్రలో దేవదత్త నగే నటిస్తున్నారు. జూన్ 6వ తేదీన ఈ సినిమా ప్రీరిలీజ్ ఈవెంట్ను తిరుపతిలో కనీవినీ ఎరుగని రీతిలో ప్లాన్ చేస్తున్నారు. నిర్మాతలు కేవలం ప్రీ రిలీజ్ ఈవెంట్ కోసమే కొన్ని కోట్ల రూపాయలను ఖర్చు చేస్తున్నారట. ఈ ఈవెంట్ కోసం ఏకంగా 200 మంది డాన్సర్లు, 200 మంది సింగర్లను రంగంలోకి దింపబోతున్నారట. ఇప్పటికే 'సాహో', 'రాధేశ్యామ్' ప్లాప్స్తో సతమతమవుతున్న ప్రభాస్కు 'ఆదిపురుష్' ఎలాంటి సక్సెస్ అందిస్తుందో చూడాలి.
