పవర్స్టార్ పవన్కల్యాణ్ ఈ పేరుకు ఉన్న క్రేజ్ తెలిసిందే. తెరపై ఆయన కనిపిస్తే చాలు ఫ్యాన్స్కు పూనకాలే. అయితే ఆయన ఓటీటీలో ప్లాట్ఫామ్లో దూసుకుపోతున్న నందమూరి నటసింహం వ్యాఖ్యాతగా వ్యవహరిస్తున్న అన్స్టాపబుల్కు వస్తారని ప్రస్తుతం జోరుగా ప్రచారం సాగుతున్న సంగతి తెలిసిందే. అయితే ఇప్పుడు ఆయన మరో టాక్ షోకు వెళ్తారని బుల్లితెరపై సందడి చేస్తారని వినిపిస్తోంది. ఈ విషయాన్ని కమెడియన్ ఆలీ ఓ ఇంటర్వ్యూలో తెలిపారు. దీనికి సంబంధించిన ఓ చిన్న క్లిప్ సోషల్మీడియాలో వైరల్ అవుతోంది.
ఇందులో 'మీ షోకు కల్యాణ్ ఎప్పుడు రాబోతున్నారు' అని అడగ్గా.. "ఆయన షూటింగ్లు జరుగుతున్నాయి కదా. హింట్ కూడా ఇచ్చారు. కచ్చితంగా మా షోకి వస్తారు" అంటూ ఆలీ చెప్పారు. అయితే ఎప్పుడనేది క్లారిటీ ఇవ్వలేదు. అయితే ఇది పాత వీడియో అయి ఉండొచ్చని కొంతమంది నెటిజన్లు అంటున్నారు. కాగా, పవన్కల్యాణ్-ఆలీ రిలేషన్‌ గురించి తెలుగు సినిమా ప్రేక్షకులకు ప్రత్యేకంగా చెప్పాల్సిన అవసరం లేదు. స్క్రీన్‌ మీద వాళ్లిద్దరి కామెడీ టైమింగ్, బాండింగ్‌ అంటే అందరికీ ఎంతో ఇష్టం. దాదాపుగా పవన్ చేసిన ఎన్నో సినిమాల్లో ఆలీకి ప్రత్యేకంగా ఓ పాత్ర ఉండేది.
-
Kalyan coming to Unstoppable and Ali tho saradaga talk shows! pic.twitter.com/5cwBxasJ3M
— Pawanfied (@Only_PSPK) October 28, 2022 " class="align-text-top noRightClick twitterSection" data="
">Kalyan coming to Unstoppable and Ali tho saradaga talk shows! pic.twitter.com/5cwBxasJ3M
— Pawanfied (@Only_PSPK) October 28, 2022Kalyan coming to Unstoppable and Ali tho saradaga talk shows! pic.twitter.com/5cwBxasJ3M
— Pawanfied (@Only_PSPK) October 28, 2022
ఇక తాజాగా ఆలీకి ఏపీ ప్రభుత్వం ఎలక్ట్రానిక్‌ మీడియా సలహాదారుగా నియమించింది. అటు రాజకీయంగా పవన్ కూడా వేగంగా అడుగులు వేస్తున్నారు. ఈ పరిణామాల మధ్య ఆలీ షోకి పవన్ కల్యాణ్ నిజంగానే వస్తే.. ఆయన ఎలాంటి ప్రశ్నలు అడుగుతారు? అందుకు పవన్ ఎలా రియాక్ట్ అవుతారు? అనేది ఆసక్తికరంగా మారింది.
ఇదీ చూడండి: బీచ్లో రకుల్ చిల్ దివ్యభారతి అమీజాక్సన్ కిరాక్ పోజులు
