సంక్రాంతికి వాల్తేరు పక్కా కమర్షియల్ 'వాల్తేరు వీరయ్య' సినిమాతో బాక్సాఫీస్ వద్ద బ్లాక్ బస్టర్ హిట్ను అందుకుని ఫుల్ జోష్లో ఉన్నారు మెగాస్టార్ చిరంజీవి. ఈ చిత్రం ఏకంగా రూ.200 కోట్లకు పైగా వసూళ్లు సాధించడంతో.. ఆయన ఫ్యాన్స్ కోసం అదే జోష్లో ఉన్నారు. అయితే చిరు ప్రస్తుతం తన కొత్త సినిమాలను పూర్తి చేసే పనిలో బిజీగా ఉన్నారు. ఇందులో భాగంగానే తన కొత్త చిత్రం భోళాశంకర్ చిత్రీకరణను శరవేగంగా పూర్తి చేసేందుకు శ్రమిస్తున్నారు. దీని కోసం అభిమానులు కూడా ఎంతో ఆసక్తిగా ఎదురుచూస్తున్నారు. పక్కా కమర్షియల్గా రూపొందుతున్న ఈ చిత్రాన్ని దర్శకుడు మెహర్ రమేశ్ తెరకెక్కిస్తున్నారు. అసలే ఆయన.. హీరోల్ని తెరపై స్టైలిష్‌గా చూపించడంలో సిద్ధహస్తుడన్న సంగతి తెలిసిందే. అలానే ఆయన మరోసారి తన మార్క్‌ను ప్రదర్శిస్తూ ఈ సినిమాను తీర్చిదిద్దుతున్నట్లు.. ఇప్పటికే విడుదలైన పోస్టర్లు చూస్తే అర్థమవుతోంది.
సిస్టర్ సెంటిమెంట్తో రూపొందుతున్న ఈ చిత్రం.. తమిళ సూపర్ హిట్ మూవీ 'వేదాలం'కు తెలుగు రీమేక్‌. ఈ సినిమాలో చిరుకు చెల్లిలిగా యంగ్ అండ్ టాలెంటెండ్ హీరోయిన్ కీర్తి సురేష్ నటిస్తోంది. అలాగే చిరుకు హీరోయిన్గా మిల్కీ బ్యూటీ తమన్నా నటిస్తోంది. అయితే తాజాగా ఉగాది పర్వదినాన్ని పురస్కరించుకుని.. మూవీటీమ్ ఆడియెన్స్కు ఒకరోజు ముందుగానే అదిరిపోయే సర్ప్రైజ్ ఇచ్చింది. ఈ సినిమా రిలీజ్ డేట్ను ప్రకటించింది.
ఆగస్టు 11న ఈ చిత్రాన్ని వరల్డ్వైడ్గా గ్రాండ్గా రిలీజ్ చేయబోతున్నట్లు సోషల్మీడియా వేదికగా ట్వీట్ చేసింది. ఓ సరికొత్త పోస్టర్‌ను కూడా రిలీజ్ చేసింది. ఇందులో చిరంజీవి, కీర్తి సురేష్, మిల్కీ బ్యూటీ తమన్నా కలర్ఫుల్ డ్రెస్లలో కనిపించారు. ఇక ఈ ప్రకటనతో మెగా ఫ్యాన్స్‌తో పాటు ప్రేక్షకుల్లోనూ.. జోష్ పెరిగింది. ఈ సినిమా నుంచి మరిన్ని అప్డేట్స్ కావాలంటూ అడుగుతున్నారు. పోస్టర్కు తెగ లైక్స్ కొడుతూ.. 'పోస్టర్ అదిరింది' అంటూ విపరీతంగా కామెంట్లు పెడుతూ ట్రెండ్ చేస్తున్నారు. కాగా, ఈ చిత్రాన్ని క్రియేటివ్‌ కమర్షియల్స్‌తో కలిసి ఏకే ఎంటర్‌టైన్‌మెంట్స్‌ బ్యానర్పై అనిల్‌ సుంకర నిర్మిస్తున్నారు. రావు రమేష్‌, రఘుబాబు, రవిశంకర్‌, మురళీశర్మ, తులసి, వెన్నెల కిషోర్‌, శ్రీముఖి, ప్రగతి తదితరులు ఈ సినిమాలో కీలక పాత్రలు పోషిస్తున్నారు. ఈ చిత్రానికి ఛాయాగ్రహణం డూడ్లే అందిస్తున్నారు. మహతి స్వరసాగర్‌ సంగీతం సమకూరుస్తున్నారు. మార్తాండ్‌ కె.వెంకటేష్‌- కూర్పు, సత్యానంద్‌- కథా పర్యవేక్షణ, ఎ.ఎస్‌.ప్రకాష్‌- ప్రొడక్షన్‌ డిజైనర్‌, తిరుపతి మామిడాల- సంభాషణలు అందిస్తున్నారు.
ఇదీ చూడండి: ఏడుస్తూ ఫొటో పోస్ట్ చేసిన మృణాల్ ఠాకూర్.. ఫ్యాన్స్లో టెన్షన్.. అసలేమైందంటే?
