Chiranjeevi raviteja movies: కొంతకాలంగా మాస్ మహారాజా రవితేజ.. మెగాస్టార్ చిరంజీవి కొత్త సినిమాలో గెస్ట్ రోల్ చేస్తున్నట్లు ప్రచారం జరిగింది. తాాజా పరిణామంతో ఆ ప్రచారానికి చెక్ పడింది. తాజా అప్డేట్ ఏంటంటే.. రవితేజ ఈ సినిమా షూటింగ్లో జాయిన్ అయ్యారు. బాబీ దర్శకత్వంలో తెరకెక్కుతున్న ఈ చిత్రానికి 'వాల్తేరు వీరయ్య' టైటిల్ అనుకుంటున్నారు. ఈ టైటిల్ దాదాపు ఖరారయ్యే అవకాశం ఉంది.
శనివారం రవితేజ షూటింగ్లో జాయిన్ అయినట్లు నిర్మాతలు ప్రకటించారు. ఈ అప్డేట్ను ఆందిస్తూ.. ఆసక్తికర పోస్టర్ను విడుదల చేసారు. అంతేకాదు.. రవితేజను మెగాస్టార్ తన కారవాన్లోకి లాగేసినట్లు ఉన్న ఒక వీడియోను రిలీజ్ చేశారు. సినిమా పట్ల మరింత ఆసక్తిని రేకెత్తించేలా ఉన్న ఈ వీడియో ప్రస్తుతం వైరల్గా మారింది. ఈ సినిమాకు దేవిశ్రీ ప్రసాద్ సంగీతాన్ని అందిస్తున్నారు.
- " class="align-text-top noRightClick twitterSection" data="">
కెరీర్ ప్రారంభంలో చిన్న చిన్న పాత్రలు చేసి గుర్తింపు తెచ్చుకున్న హీరో రవితేజ.. 'అన్నయ్య' సినిమాలో చిరంజీవి తమ్ముడి పాత్రలో కనిపించారు. మళ్లీ ఇప్పుడు 22 ఏళ్ల తర్వాత చిరుతో స్క్రీన్ షేర్ చేసుకుంటున్నారు.
రవితేజ హీరోగా నటించిన 'పవర్' సినిమాతో దర్శకుడిగా మారిన బాబీ.. ఆ తర్వాత పలు హిట్ సినిమాలు తీశారు. చిరుతో తను చేయబోయే కొత్త సినిమాలోని ఓ రోల్ కోసం ఈ డైరెక్టర్ రవితేజను రిక్వెస్ట్ చేశారు. దానికి అతడు అంగీకారం చెప్పారు. అయితే చిరు చేస్తున్న సినిమాల్లో పలువురు హీరోలు గెస్ట్ రోల్స్ చేస్తున్నారు. 'ఆచార్య'లో రామ్చరణ్, 'గాడ్ఫాదర్'లో సల్మాన్ఖాన్ నటించారు. ఇప్పుడు 'వాల్తేరు వీరయ్య' రవితేజ కీలకపాత్రలో కనిపించనున్నారు.
ఇవీ చదవండి: డబుల్ బొనాంజా.. ఆలియా- రణ్బీర్కు కవలలు?
