Mahesh Trivikram movie: ఎప్పుడెప్పుడా అని సూపర్‌స్టార్‌ అభిమానులు ఆసక్తిగా ఎదురుచూసే అప్డేట్ వచ్చేసింది. మహేశ్‌బాబు, మాటల మాంత్రికుడు త్రివిక్రమ్ కాంబినేషన్‌లో సిద్ధం కానున్న హ్యాట్రిక్‌ చిత్రానికి సంబంధించిన ఇంట్రెస్టింగ్ అప్డేట్ను ప్రకటించింది మూవీటీమ్. ప్రముఖ నిర్మాణ సంస్థ హారిక అండ్‌ హాసిని క్రియేషన్స్‌ పతాకంపై రూపుదిద్దుకోనున్న ఈ ప్రాజెక్ట్‌ వచ్చే ఏడాది వేసవి కానుకగా ప్రేక్షకుల ముందుకు తీసుకురానున్నట్లు చెప్పింది.
ప్రస్తుతం ప్రీ ప్రొడెక్షన్‌ పనులు జరుగుతున్నాయని, ఆగస్టు నుంచి సెట్స్‌ పైకి వెళ్లనున్నట్లు వెల్లడించింది. మరోవైపు సంగీత దర్శకుడు తమన్‌ సైతం.. "తెల్లవారుజాము నుంచే మహేశ్‌-త్రివిక్రమ్ ప్రాజెక్ట్‌ కోసం వర్క్‌ ప్రారంభించా" అంటూ పోస్ట్‌ పెట్టారు. చిత్రబృందం నుంచి వచ్చిన లేటెస్ట్‌ అనౌన్స్‌మెంట్‌తో నెటిజన్లు ఆనందం వ్యక్తం చేస్తున్నారు. 'అతడు', 'ఖలేజా' తర్వాత మహేశ్‌బాబు-త్రివిక్రమ్ కాంబినేషన్‌లో వస్తోన్న చిత్రమిది. #SSMB28గా ఇది ప్రచారంలో ఉంది. పవర్‌ఫుల్‌ కథాంశంతో ఈ సినిమా రానుందని సమాచారం. ఇందులో మహేశ్‌కు జోడీగా పూజాహెగ్డే నటించనున్నారు. తమన్‌ స్వరాలు అందిస్తున్నారు.
ఇదీ చూడండి: యాక్షన్ సీక్వెన్స్లో అలియా.. హాలీవుడ్ మూవీ వర్కింగ్ స్టిల్స్ లీక్
