అందాల ముద్దుగుమ్మ కీర్తి సురేశ్ అటు టాలీవుడ్తో పాటు ఇటు కోలీవుడ్లోనూ బిజీ బిజీగా ఉంటోంది. ఓ వైవు 'దసరా' షూటింగ్కు బైబై చెప్పిన ఈ తార ఇటు చిరుకు చెల్లిగా 'భోళా శంకర్' సెట్స్లో సందడి చేస్తోంది. తన నటనతో ఇప్పటికే సౌత్లో స్టార్డమ్ తెచ్చుకున్న ఈ 'వెన్నెల' తాజాగా పలు రూమార్లకు కేరాఫ్ అడ్రస్గా నిలుస్తోంది. ఇటీవలే కోలీవుడ్లోని ఓ స్టార్ హీరోతో ఈమె గత కొంతకాలంగా రిలేషన్లో ఉందని అంతే కాకుండా కీర్తి వల్ల ఆ స్టార్ తన భార్యతో విడిపోయేందుకు సిద్ధపడినట్లు వార్తలు సైతం వచ్చాయి. అయితే వీటన్నింటికి మించిన రూమర్ ఒకటి ప్రస్తుతం నెట్టింట హల్చల్ చేస్తోంది.
టాలీవుడ్లో బిజీ షెడ్యూల్స్లో గడుపుతున్న ఈ తార 13 ఏళ్లుగా ఒక అబ్బాయితో రిలేషన్లో ఉన్నట్లు సోషల్ మీడియాలో టాక్ నడుస్తోంది. కేరళలోని పలు రిసార్టులకు ఓనరైన ఆ అబ్బాయి తన చిన్ననాటి చెలికాడు అంటూ పలు కథనాలు ప్రచురితమవుతున్నాయి. అయితే ఈ విషయంపై స్పందించిన కీర్తి సురేశ్ తల్లి ఇవంతా రూమర్స్ అంటూ కొట్టిపారేశారు. సెన్సేషన్ క్రియేట్ చేసేందుకే ఇలాంటి వార్తలను ప్రచురిస్తున్నారంటూ మండిపడ్డారు. కీర్తి విషయంలో ఇలాంటి వార్తలు చూడటం తమకు ఇష్టం లేదంటూ తేల్చి చెప్పారు.
ఇక సినిమాల విషయానికి వస్తే.. దసరా షూటింగ్ పూర్తి చేసిన కీర్తి ప్రస్తుతం రివాల్వర్ రీటా అనే సినిమాతో పాటు చిరంజీవీ భోళా శంకర్, హొంబాలే ఫిల్మ్స్ నిర్మిస్తున్న రఘు తాత షూట్స్తో బిజీగా ఉంది.
