Kalki Movie Photo Leaked : ప్రభాస్ నటిస్తున్న భారీ బడ్జెట్ 'కల్కి' సినిమా నుంచి రీసెంట్గా ఓ ఫొటో లీక్ అయిన సంగతి తెలిసిందే. అయితే ఈ విషయంపై మూవీటీమ్ లీగల్ యాక్షన్ తీసుకునేందుకు రెడీ అయినట్లు వార్తలు వచ్చాయి. అయితే తాజాగా ఈ విషయం నిజమేనని క్లారిటీ అయింది. లీకర్స్కు, అలాగే లీకైనా వాటిని సోషల్ మీడియా ప్లాట్ ఫామ్ ద్వారా షేర్ చేసే వాళ్లకు ముందస్తు హెచ్చరికలు జారీ చేశారు మేకర్స్. "కల్కి 2898 ఏడీ సినిమా, దానికి సంబంధించిన ఏ విషయమైనా కాపీరైట్స్ పరిధిలోకి వస్తాయి. సినిమాకు సంబంధించి సీన్స్, ఫుటేజ్లు లేదా ఫొటోస్ ఏదీ షేర్ చేసినా అది చట్ట విరుద్ధం. అందుకు చట్ట పరమైన శిక్ష ఉంటుంది. కాబట్టి ఎవరైనా ఈ చర్యలకు పాల్పడితే తప్పకుండా సైబర్ క్రైమ్ పోలీసుల ద్వారా మేం లీగల్ యాక్షన్ తీసుకుంటాం" అని మూవీ ప్రొడక్షన్ హౌస్ వార్నింగ్ ఇచ్చింది.
కాగా, ప్రస్తుతం తెలుగు చిత్రసీమలో ఈ లీక్ల బెడద ఎక్కువైందన్న సంగతి తెలిసిందే. దీనిపై పెద్ద చర్చలే కొనసాగుతున్నాయి. ఇటీవలే మెగా పవర్ స్టార్ రామ్ చరణ్ గేమ్ ఛేంజర్, సూపర్ స్టార్ మహేశ్ బాబు గుంటూరు కారం సినిమాల నుంచి కూడా ఓ సాంగ్, పిక్స్ వంటి లీక్ అయ్యాయి. సోషల్ మీడియాలో లీకైన క్షణాల్లోనే విపరీతంగా ట్రెండ్ అయ్యాయి. ఈ విషషంపై ప్రముఖ నిర్మాత దిల్ రాజు గట్టి చర్యలు కూడా తీసుకున్నారు. సైబర్ క్రైమ్ పోలీసులను ఆశ్రయించి ఫిర్యాదు కూడా చేశారు.
ఇకపోతే కల్కి.. టైమ్‌ ట్రావెల్‌ కాన్సెప్ట్‌తో తెరకెక్కుతోంది. ఈ చిత్రాన్ని మహానటి ఫేమ్‌ నాగ్ అశ్విన్ డైరెక్ట్ చేస్తున్నారు. దీపికా పదుకొణె, దిశా పటానీ హీరోయిన్లుగా నటిస్తున్నారు. బిగ్‌బీ అమితాబ్‌ బచ్చన్ కీలక పాత్రలో నటిస్తున్నారు. యూనివర్సల్ స్టార్ కమల్‌ హాసన్‌ విలన్ పాత్రలో నటిస్తున్నారు. వైజయంతీ బ్యానర్‌పై అశ్వినీదత్‌ అత్యంత భారీ బడ్జెట్తో నిర్మిస్తున్నారు.
- " class="align-text-top noRightClick twitterSection" data="">
ప్రాజెక్ట్-కె మూవీ మేకర్స్ షాకింగ్ న్యూస్.. ఫ్యాన్స్కు ఎదురుచూపులు తప్పవా
