బుల్లితెర స్టార్ యాంకర్ సుధీర్ ప్రస్తుతం టీవీతో పాటు సినిమాల్లో కనిపిస్తూ ప్రేక్షకులను అలరిస్తున్నాడు. జబర్దస్త్‌లో తన కామెడీ టైమింగ్స్తో కితకితలు పెట్టే ఈ స్టార్..వెండితెరపై వెలుగొందేందుకు ప్రయత్నిస్తున్నాడు. సపోర్టింగ్ రోల్స్ చేస్తూ సినీ ఆడియన్స్కు సుపరిచితుడయ్యాడు. 'సాఫ్ట్వేర్ సుధీర్', 'త్రీ మంకీస్', 'వాటెండ్ పండుగాడు', 'గాలోడు' వంటి సినిమాల్లో హీరోగా వచ్చి తన అదృష్టాన్ని పరీక్షించుకున్నాడు. అయినప్పటికీ సుధీర్కు టీవీలో ఉన్న పాపులారిటీ బిగ్స్క్రీన్పై రాలేకపోయింది.
ఓ కమెడియన్గా రాణించి ఆ తర్వాత హీరోగా మారి సక్సెస్ సాధించాలంటే అది మామూలు విషయం కాదు. అయితే సుడిగాలి సుధీర్ మాత్రం తన స్కిట్స్తో బుల్లితెరపై తిరుగులేని స్టార్గా ఎదిగినప్పటికీ.. అదే క్రేజ్‌ను వెండితెర వరకు తీసుకుని రాలేకపోయాడు. అయినప్పటికీ వెనుతిరగని సుధీర్.. ఈ సారి బడా ప్లాన్తో రంగంలోకి దిగుతున్నాడు. ఇంతకు ముందు చిన్న చిన్న దర్శకులతో సినిమాలు చేసిన ఈయన. ఇప్పుడు బడా డైరెక్టర్ను లైన్లో పెట్టాడు.
ఇంతకీ ఆ డైరెక్టర్ ఎవరో కాదు.. దర్శకుడు దశరథ్. సంతోషం, మిస్టర్ పర్ఫెక్ట్ లాంటి హిట్ సినిమాలు తీసిన ఈయన త్వరలో సుడిగాలి సుధీర్ ఓ సినిమాకు సైన్ చేయనున్నారని సమచారం. క్లాసిక్ హిట్లకు పేరొందిన దశరథ్.. గతకొంత కాలంగా సినిమాలకు దూరంగా ఉన్నారు. 2016లో మంచు మనోజ్‌ హీరోగా తెరకెక్కిన 'శౌర్య' సినిమా‌నే ఆయన చివరిది. అయితే ఆ సినిమా కూడా దశరథ్‌కు ఆశించిన ఫలితాన్ని ఇవ్వలేకపోయింది. దీంతో ఆయన కమ్బ్యాక్ ఇచ్చేందుకు మంచి కథ కోసం ఎదురుచూస్తున్న సమయంలో.. సుడిగాలి సుధీర్తో సినిమాకు ఓకే చెప్పినట్టు టాక్.
ఇక సుధీర్కు కూడా ఈ స్టోరీ నచ్చిందని వార్తలు వస్తున్నాయి. దీంతో ఆయన కూడా సినిమాలో నటించేందుకు రెడీగా ఉన్నట్లు సమాచారం. అయితే ఈ సినిమా సుధీర్ కెరియర్‌లోనే కాస్త ఎక్కువ బడ్జెట్తో రూపొందనుందట. సుధీర్ సరసన ఈ సినిమాలో పూజిత పొన్నాడ నటించనుందట. ఆమెతో పాటు మరో హీరోయిన్ కూడా ఈ సినిమాలో నటించనుందని సినీ వర్గాల టాక్. ఇందులో ట్విస్ట్ ఏంటంటే.. ఈ సినిమాలో లేడీ విలన్గా ఒకప్పటి స్టార్ హీరోయిన్ను తీసుకోనున్నట్లు సమాచారం. అయితే ఈ విషయాలపై ఎటువంటి అధికారిక సమాచారం అయితే వెలువడలేదు. నిజంగానే సుధీర్-దశరథ్ సినిమా సెట్స్ పైకి వెళ్లనుందా లేదా అన్ని ఇంకా తెలియాల్సి ఉంది.
