Gunturu Karam Shooting : సూపర్ స్టార్ మహేశ్ బాబు నటిస్తున్న లేటెస్ట్ మూవీ 'గుంటూరు కారం'. కంప్లీట్ మాస్ యాక్షన్ ఎంటర్టైనర్గా రానున్న ఈ సినిమా మొదటి నుంచే ఎన్నో కష్టాలను ఎదుర్కొంటూ షూటింగ్ను పోస్ట్ పోన్ చేసుకుంటూ వస్తోంది. సినిమాలోని నటీనటులు, టెక్నిషియన్స్ కూడా బిగ్బాస్ హౌస్ కెంటెస్టెంట్ తరహాలో ఒక్కొక్కరుగా వెళ్లిపోతున్న సంగతి తెలిసిందే.
అయితే తాజాగా ఎట్టకేలకు ఈ మూవీ షూటింగ్ షురూ కానుందని తెలిసింది. ముందు నుంచి ప్రచారంలో ఉన్న ఆగస్ట్ 16వ తేదీ నుంచే కొత్త షెడ్యూల్ ప్రారంభించాలని చిత్రబృందం ప్లాన్ చేస్తున్నట్లు తెలిసింది. కుటుంబంతో కలిసి విదేశీ పర్యటనకు వెళ్లిన మహేశ్ కూడా వచ్చేస్తున్నారట. భారత్కు రాగానే వెంటనే షూటింగ్లో రీజాయిన్ అవ్వనున్నారని సమాచారం అందింది.
ఇకపోతే రీసెంట్గా సినిమాటోగ్రాఫర్ పీఎస్ వినోద్ తప్పుకున్నట్లు ప్రచారం సాగింది. దీనిపై పెద్ద చర్చే సాగింది. అయితే ఇది కన్ఫామ్ అని తెలుస్తోంది. ఎందుకంటే కొత్త సినిమాటోగ్రాఫర్గా పీఎస్ వినోద్ స్థానంలో మనోజ్ పరమహంస ఛార్జ్ తీసుకుంటారని తెలిసింది. ఆగస్ట్ 16న ప్రారంభంకాబోయే షూటింగ్ను ఆయనే చిత్రీకరించబోతున్నారని సమాచారం అందింది.
సినిమాకు సంబంధించి మరో ఇంట్రెస్టింగ్ న్యూస్ కూడా బయటకు వచ్చింది. అదేంటంటే.. ఈ కొత్త షెడ్యూల్ షూటింగ్ను భారీ కాస్ట్లీ సెట్లో షూట్ చేయబోతున్నారని ఇన్సైడ్ టాక్. ఓ ప్రైవేట్ స్టూడియోలో దాదాపు రూ.4కోట్ల ఖర్చుతో భారీ స్పెషల్ సెట్ నిర్మించబోతున్నారట. చాలా స్పెషల్గా ఈ సెట్ను తీర్చిదిద్దుతున్నారని అంటున్నారు. ఇందులోనే కొత్త షెడ్యూల్ను షూట్ చేయబోతున్నారని చెబుతున్నారు.
Gunturu Karam Release date: ఈ సినిమాలో హీరోయిన్లుగా నటిస్తున్న శ్రీలీల, మీనాక్షి చౌదరితో పాటు ఇతర కీలక పాత్రల్లో నటిస్తున్న నటీనటులపై ఈ కొత్త షెడ్యూల్లో షూట్ ప్లాన్ చేస్తున్నారని టాక్ వినిపిస్తోంది. ఇకపోతే తమన్ సంగీతం అందిస్తున్న సంగతి తెలిసిందే. సినిమాను హారిక అండ్ హాసిని క్రియేషన్స్ బ్యానర్పై నిర్మిస్తోంది. ఇప్పటికే ఇటీవలే మహేశ్ బాబు బర్త్డే సందర్భంగా రిలీజైన రెండు కొత్త మాస్ పోస్టర్లు అభిమానులను, సినీ ప్రియులను విపరీతంగా ఆకట్టుకున్నాయి. వచ్చే ఏడాది సంక్రాంతికి సినిమా రిలీజ్ చేయనున్నారు.
Mahesh Babu Guntur Karam : 'గుంటూరు కారం' కొత్త పోస్టర్స్.. ఏంది సార్ మళ్లీ ఈ కన్ఫ్యూజన్!
Mahesh Babu Star Name : స్పేస్కు చేరిన మహేశ్ క్రేజ్.. ఆ నక్షత్రానికి..
