సున్నితమైన ప్రేమకథలతో ఇటు యువతరంతో పాటు అటు కుటుంబ ప్రేక్షకులు మెచ్చేలా సినిమాలు తీయడంలో దర్శకుడు శేఖర్ కమ్ములది అందెవేసిన చేయి. ఆయన చిత్రాలన్నీ మంచి కాఫీలా మనసుకు ఆహ్లాదాన్ని పంచుతుంటాయి. జ్ఞాపకాల ఊసుల్లో హాయిగా ఊరేగిస్తుంటాయి. అయితే ఆయన డైరెక్షన్ చేసిన సినిమాల్లో ఫిదా ఎంతటి విజయం సాధించిందో తెలిసిన విషయమే. సాయిపల్లవి, వరుణ్తేజ్ హీరోహీరోయిన్లుగా నటించిన ఈ చిత్రం బాక్సాఫీస్ వద్ద సంచలన విజయాన్ని అందుకుంది.
ఇక విషయానికి వస్తే ఈ సినిమాలో ప్రతి పాత్ర ప్రేక్షకులందరికీ గుర్తుండిపోతాయి. ఎందుకంటే ప్రతి పాత్ర అంతలా ఆడియెన్స్ మదిని తాకాయి. అయితే సాయి పల్లవి అత్త క్యారెక్టర్లో చేసిన ఆమె ఎవరో మీకు తెలుసా.. ఇప్పుడు తెలుసుకుందాం.. పెళ్లిచూపులు సినిమాతో డైరెక్టర్గా గుర్తింపు తెచ్చుకున్న తరుణ్ భాస్కర్ అమ్మ. ఈమె పేరు గీత భాస్కర్. ఈ సినిమాలో ఆమె చాలా నేచురల్గా అందరికీ కనెక్ట్ అయ్యే విధంగా నటించి మెప్పించారు.
ఇక ఈ సినిమా కథ విషయానికి వస్తే.. తన అన్న పెళ్లి కోసం ఓ గ్రామానికి వచ్చిన హీరో(వరుణ్తేజ్).. పెళ్లికూతురు చెల్లిని(సాయిపల్లవి) చూసి ప్రేమలో పడతాడు. ఆ తర్వాత ఆమెను ఎలా మెప్పించాడు, ఏ విధంగా పెళ్లి చేసుకున్నాడు అనేదే కథ. కథ ఎంతో సింపుల్గా ఉన్నా.. కానీ అందులో లవ్ ఎమోషన్స్ను చాలా అద్భుతంగా చూపించారు శేఖర్ కమ్ముల. ముఖ్యంగా సాయిపల్లవి యాక్టింగ్, డ్యాన్స్, తెలంగాణ యాసలో డైలాగ్స్.. ప్రేక్షకుల్ని ఫిదా చేశాయి.
ఇదీ చూడండి: మా తాత నేను పనికిరానని అనుకున్నారు.. కానీ ఈరోజు..: అల్లు అర్జున్‌
