Sawan kumar tak died: ప్రముఖ బాలీవుడ్ దర్శకుడు సావన్ కుమార్ టక్ కన్నుమూశారు. 86 ఏళ్ల సావన్.. ముంబయిలోని కోకిలాబెన్ ధీరుబాయ్ అంబానీ ఆస్పత్రిలో మరణించినట్లు కుటుంబ సభ్యులు తెలిపారు. బుధవారం ఊపిరితిత్తులు, శ్వాస సంబంధిత సమస్యతో ఆస్పత్రిలో చేర్చామని చెప్పారు. గురువారం సాయంత్రం 4:15 గంటలకు హార్ట్ ఫెయిల్యూర్తో మరణించారని వెల్లడించారు.
సల్మాన్ ఖాన్ నటించిన 'సనమ్ బెవఫా', 'ఛాంద్ కా తుక్డా', 'సావన్.. ది లవ్ సీజన్' చిత్రాలతో ప్రత్యేక గుర్తింపు పొందారు సావన్. ఆయన మరణంపై ట్విట్టర్ వేదికగా స్పందించారు సల్మాన్ ఖాన్. సావన్ ఆత్మకు శాంతి కలగాలని ప్రార్థించారు. 1972లో 'గోమ్టి కే కినారే'చిత్రంతో దర్శకుడిగా అరంగేట్రం చేశారు సావన్. దర్శకత్వంతో పాటు పలు చిత్రాల్లో పాటలను రాశారు.
