మెగాస్టార్ ఫ్యాన్స్కు నిరాశ ఎదురైంది. చిరంజీవి వాల్తేరు వీరయ్య భారీ సక్సెస్ అందుకోవడంతో .. ఆయన నటించిన గ్యాంగ్ లీడ‌ర్ను తెలుగు రాష్ట్రాల్లో ఫిబ్ర‌వ‌రి 11న రీ రిలీజ్కు సన్నాహాలు చేశారు. అయితే ఈ సినిమాకు అనుకున్నంత స్థాయిలో బుకింగ్స్ కాలేదని సమాచారం అందింది. దీంతో మేకర్స్ మంచి సందర్భం చూసి రిలీజ్ చేసేందుకు ప్లాన్ చేస్తున్నారట. అందుకే రీరిలీజ్ను వాయిదా వేయాలని నిర్ణయించుకున్నారట.
ధనుశ్ క్రేజ్ మాత్రం.. అయితే రీ రిలీజ్ ట్రెండ్లో భాగంగా.. ఓ చిత్రాన్ని మళ్లీ విడుదల చేసేముందు ఏదో ఒక సందర్భాన్ని పురస్కరించుకుని చేసున్నారు మేకర్స్. కానీ తమిళ స్టార్ హీరో ధనుశ్-శ్రుతిహాసన్ నటించిన '3' మూవీని మాత్రం ఏ సందర్భం లేకుండానే రిలీజ్ చేశారు. అయినా ఈ చిత్రానికి మంచి రెస్పాన్స్ వచ్చింది. ఇంకా చెప్పాలంటే ఈ సినిమా రీ రిలీజ్ సమయంలో ఓ థియేటర్లలో 3 సినిమాను వీక్షించడానికి వచ్చిన హీరోయిన్ శ్రుతిహాసన్ కూడా.. సినిమాకు వచ్చిన రెస్పాన్స్ చూసి తెగ సంతోషపడిపోయింది. థియేటర్లోనే చిందులు కూడా వేసింది. ఆ వీడియో అప్పుడు తెద వైరల్గా అయింది.
ఇకపోతే.. గ్యాంగ్ లీడర్ విషయానికొస్తే.. విజ‌య బాపినీడు ద‌ర్శ‌క‌త్వంలో 1991లో వచ్చిన ఈ చిత్రం బిగ్గెస్ట్ క‌మ‌ర్షియ‌ల్ హిట్‌గా నిలిచింది. విజ‌య‌శాంతి హీరోయిన్. ప‌రుచూరి బ్ర‌ద‌ర్స్ డైలాగ్స్ అందించారు. చిరంజీవి హీరోయిజం స్టైల్, డైలాగ్స్ అప్పట్లో అభిమానుల‌ను తెగ ఉర్రూతలూగించాయి. శ‌ర‌త్‌కుమార్‌, సుమ‌ల‌త, ముర‌ళీమోహ‌న్ కీల‌క పాత్ర‌ల్లో న‌టించారు. అప్పట్లో 50కిపైగా థియేటర్లలో శ‌త‌దినోత్స‌వాన్ని కూడా జ‌రుపుకుందీ చిత్రం.
ఇదీ చూడండి: మళ్లీ సెట్స్పైకి స్టార్ హీరో మూవీ.. 5 ఏళ్ల తర్వాత రిలీజ్కు రెడీ!
