తెలుగులో తెరకెక్కిన ఎన్నో చిత్రాల్లో సహాయ నటుడు, నెగటివ్‌ రోల్స్‌ చేసి మంచి గుర్తింపు సొంతం చేసుకున్నారు నటుడు బ్రహ్మాజీ. తన తరం వారు అడపా దడపా సినిమాలు చేస్తుంటే ఆయన మాత్రం వరుస సినిమాలు చేస్తూ కెరీర్లో రాణిస్తున్నారు. అయితే ఒక్కప్పుడు ఎక్కువగా విలన్ పాత్రలే చేసిన ఆయన ఇప్పుడు హాస్య పాత్రలకే ఎక్కువగా పరిమితమయ్యారు. ఇంకా సోషల్ మీడియాలోనూ ఫుల్ యాక్టివ్‌గా ఉంటున్నారు. అయితే నెటిజన్లను నవ్వించేందుకు ఆయన వేసే ట్వీట్లు ఒక్కోసారి కాంట్రవర్సీకి కూడా దారి తీస్తుంటాయి. దీంతో ఆయన ట్రోల్స్ బారిన కూడా పడుతుంటారు. అలా విమర్శలను కూడా ఎదుర్కొంటుంటారు.
ఇటీవలే రీసెంట్గా మెగా ఫ్యామిలీపై కాంట్రవర్సీ కామెంట్స్ చేసిన నటి రోజాపై సెటైర్లు వేసి సోషల్మీడియాలో హాట్టాపిక్గా మారారు. అయితే అయితే తాజాగా మరోసారి వార్తల్లోకి ఎక్కారు. ఆయన చేసిన ఓ ట్వీట్ ఇప్పుడు వైరల్గా మారింది. చేతిలో బీర్ గ్లాస్ పట్టుకుని.. యంగ్ డైరెక్టర్స్తో తన ఇంట్లో పార్టీ చేసుకున్నారు. 'డైరెక్టర్స్ అడ్డా' అంటూ క్యాప్షన్ జోడించారు. వీరిలో హను రాఘవపూడి, శివ నిర్వాణ సహా పలు దర్శకులు కనిపించారు. దీనిపై నెటిజన్లు ఫన్నీ కామెంట్స్ కూడా చేశారు. కారెక్టర్లు ఇవ్వమని కాకాపడుతున్నావా? అంటూ సరదా కామెంట్స్ చేస్తున్నారు. ఇకపోతే బ్రహ్మాజీ కొడుకు సంజయ్ రావ్ 'ఓ పిట్ట కథ' సినిమాతో హీరోగా పరిచయమైన సంగతి తెలిసిందే.
ఇదీ చూడండి: 300మందితో రామ్ పోతినేని ఫైట్.. ఈ సారి చరణ్ లేకుండానే RC 15
