Bigg Boss Ashwini Sree Pawan Kalyan : బిగ్బాస్ ఏడో సీజన్‌తో మంచి పాపులారిటీ తెచ్చుకున్న ముద్దుగుమ్మల్లో అశ్విని శ్రీ ఒకరు. ఐదో వారంలో వైల్డ్‌ కార్డ్‌తో ఎంట్రీ ఇచ్చిన ఈ అందాల భామ 12వ వారం ఎలిమినేట్‌ అయ్యింది. హౌస్లో పెద్దగా టాస్కులు, గేమ్స్‌ ఆడకపోయినా తన అందం, ఛార్మింగ్‌ లుక్స్తో మంచి క్రేజ్‌ దక్కించుకుంది. అయితే తాజాగా ఓ ఇంటర్వ్యూలో పాల్గొన్న ఈ భామ పవర్ స్టార్ పవన్ కల్యాణ్ గురించి ఇంట్రెస్టింగ్ కామెంట్స్ చేసింది.
'నీ ఫేవరెట్ యాక్టర్ ఎవరు'? అని యాంకర్ అడగగా - ఇది అందరికీ తెలిసిందే. "ఎప్పటికీ పవర్ స్టార్ పవన్ కల్యాణ్ గారే నా ఫేవరెట్ హీరో" అని చెప్పింది. ఓజీ(OG Movie) సినిమా గురించి మాట్లాడుతూ ఈ సినిమా సూపర్ హిట్ కావాలని కోరుకుంది. "పవన్ కల్యాణ్ ఎప్పుడు నా వాడే. ఈ సినిమా సూపర్ డూపర్ సక్సెస్ అవ్వాలని మనస్ఫూర్తిగా కోరుకుంటున్నాను. దేవుడు దయవల్ల పవన్ కల్యాణ్ సీఎం అయితే రోజు స్క్రీన్పై చూసుకోవచ్చు. సీఎం కావాలని కోరుకుంటున్నాను" అంటూ చెప్పుకువచ్చింది.
'పవన్ కల్యాణ్ గారిని కలిసే అవకాశం వస్తే మీ రియాక్షన్ ఏంటి?' అని అడగగా - "ఆలోచిస్తే కూడా మాటలు రావడం లేదు. ఎందుకంటే ఆయనతో దాదాపు 3 నెలలు జర్నీ చేశాను. షూటింగ్ సమయంలో సార్ పక్కన కూర్చొపెట్టుకుని మాట్లాడేవారు. సెట్లో పవన్ కల్యాణ్గారు తాను తినే డ్రై ఫ్రూట్స్ తినమ్మా అంటూ ఇచ్చేవారు. అంతే కాదు పాటలు పాడించే వారు. డ్యాన్స్ చేయించే వారు. ఆయన చాలా ఓపెన్గా ఉంటారు. అందుకే ఆయన అంటే ఇష్టం" అని చెప్పుకొచ్చింది. ప్రస్తుతం పవన్ కల్యాణ్పై అశ్విని శ్రీ చేసిన కామెంట్స్ నెట్టింట్లో చక్కర్లు కొడుతున్నాయి. కాగా, అశ్విని శ్రీ బిగ్ బాస్లోకి రాకముందు పలు తెలుగు సినిమాల్లో నటించింది. పవన్ కల్యాణ్తో సర్దార్‌ గబ్బర్‌ సింగ్‌, రవితేజతో రాజా ది గ్రేట్‌ వంటి హిట్ సినిమాల్లో తళుక్కున మెరిసింది. అయితే అప్పుడు పెద్దగా గుర్తింపు తెచ్చుకోలేకపోయింది.
'సైంధవ్' బ్యూటీకీ కోహ్లీ బావ అవుతాడా? - సీక్రెట్ రివీల్ చేసిన హీరోయిన్
