పాన్ ఇండియా స్టార్ ప్రభాస్ - దర్శకధీరుడు రాజమౌళి కాంబోలో వచ్చిన టాలీవుడ్ సూపర్‌హిట్‌ చిత్రం 'ఛత్రపతి'. ఈ చిత్రాన్ని హిందీలో టాలీవుడ్ హీరో బెల్లంకొండ సాయి శ్రీనివాస్ హీరోగా రీమేక్ చేస్తున్నారు. వి.వి.వినాయక్‌ దర్శకత్వంలో ఇది తెరకెక్కుతోంది. మే 12న ఈ చిత్రం ప్రేక్షకుల ముందుకు రానుంది. రీసెంట్గా ఫస్ట్లుక్ను కూడా విడుదల చేశారు. కండల తిరిగిన బాడీతో ఊరమాస్గా బెల్లంకొండ కనిపించారు. దీనికి మంచి రెస్పాన్స్ కూడా వచ్చింది. ఇప్పుడదే జోష్తో మేకర్స్.. అభిమానుల్లో అంచనాలు పెంచేలా.. తాజాగా మరో కొత్త అప్డేట్ ఇచ్చారు. 1.02 నిమిషాల నిడివి ఉన్న టీజర్ను విడుదల చేశారు. ఈ మూవీ నిర్మాణ సంస్థ పెన్ మూవీ తన అధికారిక సోషల్మీడియా అకౌంట్లో షేర్ చేసింది. లైట్స్, కెమెరా, టూ మచ్ యాక్షన్ అని వ్యాఖ్య రాసుకొచ్చింది.
ఈ ప్రచార చిత్రంలో బెల్లంకొండ శ్రీనివాస్ తన యాక్షన్తో అదరగొట్టేశాడనే చెప్పాలి. ఫైట్ యాక్షన్ సీన్స్లో తనలోని పూర్తి నటుడిని బయటకు తీశారు. తెలుగులో ప్రభాస్ నటించిన స్టైల్లోనే నటించి ఆకట్టుకున్నారు. తనిష్క్ బాఘ్చి అందించిన మ్యూజిక్, రవి బసూర్ ఇచ్చిన బ్యాక్ గ్రౌండ్ స్కోర్ కూడా బాగుంది. ఇక ఇది చూసిన సినీ ప్రేక్షకులు, నెటిజన్లు.. శ్రీనివాస్ బాగానే సెట్ అయ్యారని అంటూ తమ అభిప్రాయాల్ని చెబుతున్నారు. తెలుగులో ప్రభాస్ ఎలా అయితే కండలతో ఫిట్గా కనిపించాడో.. ఇప్పుడదే తరహాలో శ్రీనివాస్ బాడీ ట్రాన్స్ఫర్మేషన్ కూడా బాగుందని అంటున్నారు. ఒరిజినల్ సినిమాను మక్కీకి మక్కీ దింపినా.. యాక్షన్ సీన్స్ అదిరిపోయాయని చెప్పుకొస్తున్నారు. బెల్లంకొండ మంచి హిట్ను అందుకోవాలని ఆశిస్తున్నారు. అయితే ఈ సినిమాలో హీరోయిన్ ఎవరనేది మేకర్స్ ఇంకా క్లారిటీ ఇవ్వలేదు. టీజర్లోనూ ఎక్కడా చూపించలేదు.
కాగా, 18 ఏళ్ల కిందట ఛత్రపతి సినిమా టాలీవుడ్లో సంచలనం సృష్టించింది. ఈ చిత్రంతోనే బెల్లంకొండ శ్రీనివాస్ బాలీవుడ్ అరంగేట్రం చేయనున్నారు. పెన్ స్టూడియోస్ బ్యానర్పై జయంతి లాల్‌ చిత్రాన్ని నిర్మిస్తున్నారు. అయితే టాలీవుడ్లో ఆశించిన రేంజ్లో హిట్లను అందుకోలేకపోయారు బెల్లంకొండ. కానీ నటుడిగా మంచి పేరును తెచ్చుకున్నారు. దీంతో ఆయన హిందీలో మంచి హిట్ను అందుకోవాలని అభిమానులు ఆశిస్తున్నారు.
రీసెంట్గా ఆయన ఓ సూపర్ రికార్డును తన ఖాతాలో వేసుకున్నారు. అదేంటంటే.. బెల్లంకొండకు హిందీ యూట్యూబ్లో మంచి మార్కెట్ ఉంది. ఈయన నటించిన సినిమాల హిందీ డబ్బింగ్ వెర్షన్లకు బాగా వ్యూస్ వస్తుంటాయి. అలా బోయపాటి శ్రీను డైరెక్షన్లో ఆయన నటించిన.. 'జయ జానకి నాయక' సినిమా 'ఖూన్కార్' టైటిల్తో అక్కడ విడుదలైంది. ఈ చిత్రం ఇప్పటివరకు రికార్డు స్థాయిలో 709 మిలియన్ వ్యూస్ను సాధించింది. వాస్తవానికి ఏ చిత్రానికైనా 700 మిలియన్స్ వ్యూస్ రావడం చాలా అరుదుగా జరుగుతుంది.
- " class="align-text-top noRightClick twitterSection" data="">
ఇదీ చూడండి: Dasara movie: సుదర్శన్ థియేటర్లో నాని సందడి.. ఫ్యాన్స్ రచ్చ రచ్చ
