Balakrishna Award: నందమూరి నటసింహం బాలకృష్ణకు అరుదైన గౌరవం దక్కింది. ఆయనకు సినారె జీవన సాఫల్య స్వర్ణకంకణం పురస్కారాన్ని అందజేశారు. రవీంద్రభారతిలో సినారె 91వ జయంతి వేడుకలు జరిగాయి. ఈ వేడుకకు ముఖ్య అతిథిగా హాజరైన మాజీ గవర్నర్ విద్యాసాగర్‌రావు ఈ అవార్డును బాలయ్యకు అందజేశారు. కాగా, తనకు అవార్డు దక్కడంపై హర్షం వ్యక్తం చేశారు బాలయ్య. ఈ సందర్భంగా బాలయ్య మాట్లాడుతూ.. "సినిమా అనేది ఒక్కరిదే కాదు.. అందరి కష్టార్జితం. సినారె జీవితసాఫల్య స్వర్ణకంకణం స్వీకరించడం గర్వంగా ఉంది. సాహిత్యాన్ని బతికించిన వారిలో సినారె ప్రథముడు. నేను నటుడిని అవుతానని ఆయనే నాన్నకు(సీనియర్ ఎన్టీఆర్) చెప్పారు. మా నాన్న మంచి స్నేహితుల్లో సినారె ఒకరు. ఆయన ఆశీస్సులతో మంచిమంచి పాత్రల్లో నటిస్తాను" అని అన్నారు.
బాలయ్య ప్రస్తుతం గోపిచంద్ మలినేని దర్శకత్వంలో 'ఎన్బీకే 107'లో నటిస్తున్నారు. ప్రస్తుతం కర్నూల్ సహా అక్కడి పరిసర ప్రాంతాల్లో శరవేగంగా షూటింగ్ జరుపుకుంటోంది. శ్రుతిహాసనే హీరోయిన్. కన్నడ స్టార్ దునియా విజయ్కుమార్ ప్రతినాయకుడిగా కనిపిస్తుండగా, వరలక్ష్మీ శరత్కుమార్ కీలక పాత్ర పోషిస్తున్నారు. మైత్రీమూవీ మేకర్స్ నిర్మిస్తోంది. తమన్ సంగీతం అందిస్తున్నారు. ఆ తర్వాత బాలయ్య చేయబోయే 108వ సినిమా ఇప్పటికే ఖరారైంది. దీనికి అనిల్‌ రావిపూడి దర్శకత్వం వహించనున్నారు. హైఓల్టేజ్‌ యాక్షన్‌ ఎంటర్‌టైనర్‌గా రూపొందనున్న ఈ చిత్రంలో.. బాలయ్య ఐదు పదుల వయసున్న తండ్రిగా కనిపించనున్నారు. ఆయన కూతురు పాత్రను శ్రీలీల పోషించనుంది. మరో కీలక పాత్ర కోసం బాలీవుడ్‌ భామ సోనాక్షి సిన్హాను సంప్రదిస్తున్నట్లు సమాచారం
ఇదీ చూడండి: కొత్త బిజినెస్లోకి మహేశ్!.. మరి ఈ స్టార్స్ ఏఏ వ్యాపారాల్లో రాణిస్తున్నారంటే?
