గుంటూరు జిల్లా తాడేపల్లి 12, 13వార్డు సచివాలయం అడ్మిన్ కిషోర్ తనను వేధిస్తున్నాడంటూ ఓ మహిళా పోలీసు అధికారిణి దిశ యాప్ ద్వారా ఫిర్యాదు చేసింది. గతంలోనూ కిషోర్ పలువురు మహిళా వాలంటీర్లను వేధించాడనే ఆరోపణలున్నాయి. బాధిత మహిళలు అతనిపై ఫిర్యాదు చేసినప్పటికీ.. అధికారులు చూసీచూడనట్లు వ్యవహరించారని బాధిత పోలీసు అధికారిణి చెప్తోంది.
అతను ఏం చేసినా చెల్లుబాటవుతుందనే ఉద్దేశంతోనే.. పోలీసు అధికారిణి అయిన తనను కూడా వేధించాడని ఆమె వాపోయింది. వేధింపులు ఎక్కువ కావడం వల్ల మనోవేదనకు గురయ్యాయనని.. అందువల్లే దిశ యాప్ ద్వారా పోలీసులకు ఫిర్యాదు చేశానని ఆమె తెలిపింది. ఈ విషయంపై స్పందించిన పోలీసులు వెంటనే కిషోర్ను అదుపులోకి తీసుకొని విచారిస్తున్నట్లు తెలిసింది.
ఇదీ చూడండి:
