ZPTC Suspicious Death in Cheryala : తెలంగాణలోని సిద్దిపేట జిల్లాలో విషాదం చోటు చేసుకుంది. చేర్యాల జడ్పీటీసీ మల్లేశం అనుమానాస్పద స్థితిలో మృతి చెందాడు. తెల్లవారుజామున వాకింగ్కు వెళ్లిన ఆయన.. గుర్జకుంటలోని చేర్యాల మార్గంలో తీవ్రగాయాలతో కుప్పకూలిపోయాడు. గమనించిన గ్రామస్థులు ఆసుపత్రికి తరలిస్తుండగా, మార్గమధ్యలో ప్రాణాలు కోల్పోయాడు.
చేర్యాల పెద్దమ్మగడ్డ జడ్పీహెచ్ఎస్లో చదువుకున్న మల్లేశం.. నిన్న జరిగిన పూర్వ విద్యార్థుల సమ్మేళనంలో పాల్గొన్నారు. తెల్లవారుజామున వాకింగ్కి వెళ్లిన మల్లేశం.. గుర్జకుంటలోని చేర్యాల మార్గంలో కుప్పకూలి ఉండటాన్ని గ్రామస్థులు గమనించారు. తలకు తీవ్రమైన గాయాలై.. రక్తపుమడుగులో ఉండగా.. కుటుంబసభ్యులు, స్థానికులు సిద్దిపేటలోని ఓ ఆసుపత్రికి తరలించారు. అక్కడినుంచి హైదరాబాద్‌కు తరలిస్తుండగా మార్గమధ్యలోనే ప్రాణాలు కోల్పోయాడు. గత స్థానిక సంస్థల ఎన్నికల్లో బీఆర్ఎస్ నుంచి చేర్యాల జడ్పీటీసీగా మల్లేశం ఎన్నికయ్యారు.
ఘటనాస్థలికి చేరుకున్న పోలీసులు.. అక్కడ ఆధారాలు సేకరించారు. మల్లేశం ప్రమాదవశాత్తు చనిపోయాడా? లేదంటే ఎవరైనా హత్య చేశారా? అనే కోణంలో విచారణ జరుపుతున్నారు. ఇటీవల స్థానికంగా రాజకీయ గొడవలు, భూతగాదాలు జరుగుతున్నాయని, ఈ వ్యవహారంలో ఎవరైనా హత్య చేశారా అని స్థానికంగా చర్చించుకుంటున్నారు. దీని గురించి పూర్తి వివరాలు తెెలియాల్సి ఉంది.
ఇవీ చదవండి:
