తెలంగాణ రాష్ట్రం నిజామాబాద్‌లో ఓ రౌడీషీటర్ తుపాకీతో హల్చల్ చేశాడు. పట్టణానికి చెందిన ఆరిఫ్ అనే రౌడీషీటర్.. పుట్టిన రోజు వేడుకలను అనుచరులు ఘనంగా నిర్వహించారు. ఈ వేడుకల్లో ఆరిఫ్... తుపాకీతో హల్చల్ చేశాడు. గాల్లోకి మూడు రౌండ్లు కాల్పులు జరిపిన ఓ వీడియో నెట్టింట్లో వైరల్గా మారింది. చోరీలు, దారిదోపిడీ, హత్య కేసుల్లో నిందితుడిగా ఉన్న ఆరిఫ్.. పీడీ యాక్టు కింద అరెస్టు అయ్యి ఇటీవలే విడుదలయ్యాడు. ఓ ఫామ్హౌస్లో ఆరిఫ్ బర్త్డే వేడుకలు చేసుకున్నాడు. పెద్దఎత్తున అతడి అనుచరులు పాల్గొన్నారు. వేడుకల్లో కొందరు అనుచరులు తల్వార్లు, పిస్తోళ్లతో కనిపించారు.
ఫామ్హౌస్కి కారు ముందు భాగంలో కూర్చొని అభివాదం చేస్తూ ఆరిఫ్ వచ్చాడు. అనుచరులందరికీ అభివాదం చేస్తూ.. వస్తోన్న ఆరిఫ్కు గుంపులో నుంచి ఒకరు తుపాకీ అందించారు. దానితో అభివాదం చేస్తూనే... గాల్లోకి మూడు రౌండ్లు కాల్పులు చేశాడు ఆరిఫ్. ఈ తతంగాన్నంతా పలువురు తమ చరవాణుల్లో వీడియో తీయగా... అది కాస్తా వైరల్గా మారింది. ఈ వేడుకల్లో పలువురు రాజకీయ నేతలు కూడా పాల్గొన్నట్టు సమాచారం.
ఇదీ చూడండి:
Etela Rajender: నా ఆస్తులపై బహిరంగ చర్చకు సిద్ధం.. హరీశ్కు సవాల్!
