Robbery at Denduluru: కృష్ణాజిల్లా ఉయ్యూరు మండలం కాటూరుకు చెందిన కోటేశ్వరరావు అనే వ్యక్తి పశ్చిమగోదావరి జిల్లా గణపవరంలో చేపలు లారీలో లోడ్ చేసుకున్నాడు. అక్కడి నుంచి హనుమాన్ జంక్షన్లో మరో డ్రైవర్కు అప్పగించడానికి బయలుదేరాడు. దెందులూరు మండలం సత్యనారాయణపురం వద్ద 16వ నెంబర్ జాతీయ రహదారిపై శుక్రవారం ఉదయం బొలెరో వాహనంలో వచ్చిన కొందరు దుండగులు కారును లారీకి అడ్డంగా నిలిపారు. లారీ డ్రైవర్పై కత్తితో దాడి చేశారు. అతడి వద్ద ఉన్న రూ.50,750 నగదు తీసుకుని పరారయ్యారు.
సమాచారం అందుకున్న పోలీసులు సంఘటనా స్థలానికి చేరుకుని దర్యాప్తు చేపట్టారు. గాయపడిన లారీ డ్రైవర్ను ఏలూరు ప్రభుత్వాసుపత్రికి తరలించారు.
