ACCIDENT: గుంటూరు జిల్లాలో జరిగిన వరుస రోడ్డు ప్రమాదాల్లో ముగ్గురు మృతిచెందారు. ప్రత్తిపాడు మండలం యనమదల వద్ద జాతీయ రహదారిపై ఆగి ఉన్న లారీని వెనుక నుంచి మరో లారీ ఢీకొట్టింది. ఈ ప్రమాదంలో లారీ డ్రైవర్ మరణించాడు. ప్రమాద విషయం తెలిసిన పోలీసులు ఘటనాస్థలికి చేరుకొని.. ట్రాఫిక్ క్రమబద్ధీకరిస్తుండగా సంగం డెయిరీకి చెందిన పాల వ్యాన్ వేగంగా దూసుకొచ్చింది. ఈ ఘటనలో హోంగార్డుతో పాటు లారీ యజమాని మరణించాడు. ఈ ఘటనలో మరో ముగ్గురికి గాయాలయ్యాయి. ప్రమాదంలో గాయపడిన వారిని గుంటూరు జీజీహెచ్కు తరలించారు.
నంద్యాల: రోడ్డు ప్రమాదంలో తండ్రి, కొడుకు మృతి చెందిన ఘటన నంద్యాల జిల్లా పాణ్యం నియెజకవర్గంలో చోటుచేసుకుంది. కడపజిల్లా చిట్వేలుకు చెందిన పి.సుబ్బారామరాజు కుటుంబ సభ్యులు కారులో హైదరాబాద్కు వెళ్తుండగా.. పాణ్యం మండలం తమ్మరాజుపల్లి అడ్డవాగు వద్దనున్న కల్వర్టును కారు ఢీకొట్టింది. ఈప్రమాదంలో కారు బోల్తాపడి సుబ్బారామరాజు (60), అతని కుమారుడు కుమార్ రాజు(37) అక్కడికక్కడే మృతిచెందారు. సుబ్బారామరాజు మరోకుమారుడు, బంధువుల అబ్బాయి గాయపడ్డారు. హైదరాబాద్కు చికిత్స కోసం వెళ్తుండగా ఈ ప్రమాదం జరిగినట్లు సమాచారం. ఈ ఘటనపై పాణ్యం పోలీసులు కేసు నమోదు చేసుకుని దర్యాప్తు చేస్తున్నారు.
ఇవీ చదవండి:
