Accident: పెదకాకాని దగ్గర కంటైనర్​ని ఢీ కొట్టిన కారు.. ఒకరు మృతి

Car hit to Container at Pedakakani: పెదకాకాని దగ్గర రోడ్డు ప్రమాదం జరిగింది. కంటైనర్​ని కారు ఢీకొని ఒకరు మృతి చెందగా.. మరో ముగ్గురు తీవ్రంగా గాయపడ్డారు. రోడ్డు ప్రమాదంతో భారీగా ట్రాఫిక్​ జామ్​ ఏర్పడింది. పోలీసులు చేరుకుని వాహనాల రాకపోకలను క్రమబద్దీకరించారు.

One died in Road Accident: గుంటూరు జిల్లా పెదకాకాని జాతీయ రహదారిపై ఘోర రోడ్డు ప్రమాదం జరిగింది. విజయవాడ నుంచి గుంటూరు వైపు వస్తున్న కారు కంటైనర్​ని ఢీ కొట్టింది. దీంతో కారులో ప్రయాణిస్తున్న నలుగురిలో ఒకరు మృతి చెందగా.. మిగతా ముగ్గురు తీవ్రంగా గాయపడ్డారు. కారులో చిక్కుకున్న వారిని బయటకు తీసేందుకు స్థానికులు తీవ్ర అవస్థలు పడ్డారు. ఈ ప్రమాదంతో జాతీయ రహదారిపై సుమారు రెండు కిలోమీటర్ల మేర వాహనాలు నిలిచిపోయాయి. ఘటనస్థలానికి చేరుకున్న పోలీసులు కారులో చిక్కుకున్న మృతదేహాన్ని బయటకు తీసి వాహన రాకపోకలను క్రమబద్ధీకరించారు. మృతుడు తాడేపల్లి మండలం కుంచనపల్లికి చెందిన వ్యక్తిగా పోలీసులు అనుమానిస్తున్నారు.

ఇవీ చూడండి