Hero Siddharth: హీరో సిద్ధార్థ్పై హైదరాబాద్‌లో కేసు నమోదైంది. హైదరాబాద్‌ సైబర్ క్రైమ్ పోలీసులకు సామాజికవేత్త ప్రేరణ ఫిర్యాదు చేశారు. షట్లర్ సైనా నెహ్వాల్పై అభ్యంతరకరమైన ట్వీట్ చేశారని ఫిర్యాదులో పేర్కొన్నారు. ప్రేరణ ఫిర్యాదు మేరకు పోలీసులు హీరో సిద్ధార్థ్పై ఐపీసీ 509 సెక్షన్ కింద కేసు నమోదు చేశారు.
అసలు ఏం జరిగింది?
ఇటీవల పంజాబ్లో ప్రధాని మోదీ పర్యటనలో భద్రతా వైఫల్యం చోటు చేసుకుంది. ఈ క్రమంలో ప్రధాని భద్రతపై ఆందోళన వ్యక్తం చేస్తూ ప్రముఖ షట్లర్ సైనా నెహ్వాల్ ట్వీట్ చేశారు. దీనిపై వ్యంగ్యంగా స్పందించిన హీరో సిద్ధార్థ్.. అసభ్యకర రీతిలో సైనాపై కామెంట్ చేశారు. అది కాస్త పెద్ద దుమారమైంది.
సిద్ధార్థ్ ట్వీట్పై సైనా కుటుంబ సభ్యులతో పాటు జాతీయ మహిళా కమిషన్ కూడా ఆగ్రహం వ్యక్తం చేసింది. అతడిపై చర్యలు తీసుకోవాలని, సిద్ధార్థ్ ట్విట్టర్ ఖాతాను డిలీట్ చేయాలని డిమాండ్ చేశారు. అయితే ఈ మధ్య కాలంలో సిద్ధార్థ్ పలు వివాదాస్పద ట్వీట్లు చేస్తూ వార్తల్లో నిలుస్తున్నారు. ఇలాంటి చెత్త కామెంట్స్ చేసి, సారీ చెబితే సరిపోతుందా అని పలువురు నెటిజన్లు అభిప్రాయపడుతున్నారు.
ఇవీ చదవండి: హీరో సిద్ధార్థ్ క్షమాపణలు.. స్పందించిన షట్లర్ సైనా
