B.Tech Student suicide: రైలు నుంచి దూకి బీటెక్​ విద్యార్థిని ఆత్మహత్య... కారణమదేనా..!

BTech student suicide: ఆర్థిక ఇబ్బందులతో బీటెక్​ విద్యార్థిని ఆత్మహత్యకు పాల్పడింది. వెళ్తున్న రైలు నుంచి దూకి విద్యార్థిని ప్రాణాలొదిలిన ఘటన తెలంగాణలోని వనపర్తి జిల్లా ఆరేపల్లి వద్ద జరిగింది. మృతురాలి స్వస్థలం గద్వాల జిల్లాలోని నల్లగుంటగా పోలీసులు గుర్తించారు.

BTech student suicide: విద్యార్థుల ఆత్మహత్యలు రోజురోజుకు పెరిగిపోతున్నాయి. తాజాగా మరో విద్యార్థిని బలవన్మరణానికి పాల్పడిన విషాద ఘటన తెలంగాణలోని గద్వాల జిల్లాలో చోటు చేసుకుంది.

ఇంటికి తిరిగి వెళ్తూ..

గద్వాలలోని నల్లకుంటకు చెందిన శ్రీవర్ష(19) హైదరాబాద్​లోని సెయింట్​ పీటర్స్​ ఇంజినీరింగ్​ కళాశాలలో బీటెక్​ ద్వితీయ సంవత్సరం చదువుతోంది. ఇంటికి వెళ్లిన శ్రీవర్ష తిరిగి కళాశాలకు వెళ్లడానికి బుధవారం రాత్రి రైలులో బయల్దేరింది. మార్గమధ్యలో వనపర్తి జిల్లా ఆరేపల్లి రైల్వే స్టేషన్ సమీపంలో కృష్ణానది బ్రిడ్జిపై వెళ్తున్న రైలులో నుంచి దూకి ఆత్మహత్యకు పాల్పడింది.

ఆర్థిక ఇబ్బందులే కారణమా...?

ఆర్థిక ఇబ్బందుల కారణంగా కాలేజీకి వెళ్లనంటూ కుటుంబసభ్యులతో చాలాసార్లు వాదించిందని రైల్వే కానిస్టేబుల్​ రామకృష్ణ అన్నారు. అనారోగ్యం కూడా బాధించడం వల్ల మనస్తాపంతో బలవన్మరణానికి పాల్పడినట్లు తెలిపారు.

ఇది చదవండి: పోలీసులు కొడతారేమోనని ఎంత పని చేశాడంటే..!