రాష్ట్ర ప్రభుత్వానికి ఆదాయాన్ని సమకూర్చడంలో రవాణా శాఖ ప్రధాన వనరు. అయితే కరోనా వల్ల మార్చి నెల నుంచి జూన్ వరకు ఎలాంటి ఆదాయం లేదు. లాక్ డౌన్ ఆంక్షలు సడలించిన తరవాత జూన్ ఆఖరు వారం నుంచి కాస్త రిజిస్ట్రేషన్లు ఊపందుకున్నాయి. లాక్డౌన్ సమయంలో ద్విచక్ర వాహనాలు. కార్ల కొనుగోలు తగ్గడం వల్ల ఆదాయం గణనీయంగా తగ్గిందని రవాణా శాఖ అధికారులు చెబుతున్నారు. తాజాగా శ్రావణ మాసం సెంటిమెంటుతో మళ్లి కొనుగోళ్లు మెుదలై.. వాహన రిజిస్ట్రేషన్లతో కాస్త ఆదాయం పుంజుకుంది.
కరోనా మహమ్మారితో ప్రమాదం ఉన్నందున.. రవాణా శాఖ కార్యాలయానికి వెళ్లే పనిలేకుండా.. అంతా ఆన్లైన్లో చేసుకోవచ్చని అధికారులు చెబుతున్నారు. ఏదైనా సాంకేతిక సమస్య తలెత్తితే.. కార్యాలయాన్ని సంప్రదించాలని సూచిస్తున్నారు. ఆన్లైన్ సేవలో పూర్తిగా సురక్షిత మార్గాలు ఉన్నాయని.. ఫోన్ ఓటీపీతో సేవలు పొందే వీలుందని.. రవాణా శాఖ అధికారులు పేర్కొంటున్నారు.
ఇదీ చదవండి: పెళ్లికి ముందు రానాకు అక్షయ్ ఏం చెప్పాడంటే..!
