విశాఖలోని ఆంధ్ర విశ్వవిద్యాలయం మైదానంలో ఘంటసాల స్పోర్ట్స్ అండ్ కల్చరల్ అసోసియేషన్, విజయ దుర్గ స్పోర్టింగ్ క్లబ్ సంయుక్త ఆధ్వర్యంలో జరిగిన ఫుట్బాల్ టోర్నమెంట్లో 'గణేష్ క్లబ్' విజయం సాధించింది. రెండు రోజుల పాటు జరిగిన ఈ పోటీల్లో.. 18 జట్లు పాల్గొన్నాయి. డాన్ క్లబ్ జట్టుతో హోరాహోరీగా సాగిన తుదిపోరులో.. 'గణేష్ క్లబ్' విజేతగా నిలిచింది.
పైడా విద్యా సంస్థల అధినేత కృష్ణ ప్రసాద్, రాష్ట్ర రెల్లి కార్పొరేషన్ ఛైర్మన్ మధుసూదన్లు విజేతకు బహుమతి అందజేశారు. నగరంలో క్రీడాభివృద్ధికి స్వచ్ఛంద సంస్థల కృషి కీలకమని అతిధులు పేర్కొన్నారు. ప్రస్తుత పరిస్థితుల్లో ఈ టోర్నమెంట్ నిర్వహించినందుకు నిర్వహకులను ప్రశంసించారు.
ఇదీ చదవండి: విశాఖలో తీవ్ర కాలుష్యాన్ని వెదజల్లిన టపాసులు
