ప్రేమోన్మాది దాడిలో గాయపడిన యువతి కోలుకోవాలంటూ ర్యాలీ

విశాఖలో ప్రేమోన్మాది దాడిలో గాయపడిన బాధితురాలు త్వరగా కోలుకోవాలంటూ టీఎల్​ఎఫ్ ఆధ్వర్యంలో కొవ్వొత్తుల ర్యాలీ నిర్వహించారు. నిందితుడిని కఠినంగా శిక్షించాలని డిమాండ్ చేశారు.

విశాఖలో యువకుడి దాడిలో తీవ్ర గాయాలపాలై చికిత్స పొందుతున్న బాధితురాలు ఆరోగ్యం కుదుటపడాలని కోరుతూ.. జోన్ 3 టౌన్ లెవెల్ ఫెడరేషన్ (టీఎల్ఎఫ్) ఆధ్వర్యంలో కొవ్వొత్తుల ప్రదర్శన చేపట్టారు. నగరంలోని వన్ టౌన్ ప్రాంతం 39వ వార్డులో సచివాలయం సిబ్బంది, వాలంటీర్లు, ఆర్పీలు, వైకాపా కార్యకర్తలు ర్యాలీ చేశారు. బాధితురాలు త్వరగా కోలుకోవాలని ఆకాంక్షిస్తూ కొవ్వొత్తుల ర్యాలీ నిర్వహించారు. ఈ సందర్బంగా 'సేవ్ ఉమెన్,' 'సేవ్ ప్రియాంక' అంటూ నినాదాలు చేస్తూ ప్లకార్డులు ప్రదర్శించారు. ప్రియాంకపై దాడి చేసిన యువకుడిని కఠినంగా శిక్షించాలని డిమాండ్ చేశారు.

ఇవీ చదవండి..