రైల్వే జోన్ ప్రకటనపై ఉత్తరాంధ్ర ప్రజల ఆకాంక్షలను కేంద్రం పట్టించుకోలేదని అనకాపల్లి మాజీ ఎంపీ సబ్బం హరి విమర్శించారు. ఒడిశా రాష్ట్రంలో భాజపా రాజకీయంగా లబ్ధి పొందడానికే ఈ నిర్ణయం ఉపయోగపడుతోందని వెల్లడించారు. వాల్తేరు డివిజన్ను విభజించడం అభ్యంతరకరంగా ఉందన్నారు. నష్టాన్ని ఆంధ్రప్రదేశ్కు,లాభాన్ని ఒడిశాకు పంచారని ఆరోపించారు. విభజన తర్వాత రాష్ట్ర పరిస్థితి ఎలా ఉందో ప్రస్తుతం వాల్తేరు పరిస్థితి అలా ఉందని అవేదన వ్యక్తం చేశారు. నాలుగున్నరేళ్లుగా అధికారంలో ఉన్నా చేయని ప్రకటన... ఎన్నికలు దగ్గర పడుతుండగా చేయటం హాస్యాస్పదమన్నారు.
సబ్బం హరి,అనకాపల్లి మాజీ ఎంపీ
