సీఎం జగన్ సామాజిక అన్యాయం చేశారు: తెదేపా బీసీ నేతలు

రాష్ట్రంలోని 3 ప్రాంతాలను రెడ్డి వర్గానికి చెందిన ముగ్గురికి అప్పగించటం కన్నా సామాజిక అన్యాయం మరొకటి లేదని తెదేపా నేతలు వ్యాఖ్యానించారు. సీఎం జగన్ పాదయాత్రలో సామాజిక న్యాయం అంటూ మాట్లాడి ఇప్పుడు దానికి వ్యతిరేకంగా వ్యవహరిస్తున్నారని మండిపడ్డారు. వెనుకబడిన వర్గాలను అణచివేస్తూ సొంత సామాజిక వర్గానికే ప్రాధాన్యం ఇస్తున్నారని తెదేపా బీసీ నేతలు ఆగ్రహం వ్యక్తంచేశారు.

వైకాపా ప్రభుత్వంపై తెదేపా విమర్శలు

ముఖ్యమంత్రి జగన్​పై తెలుగుదేశం బీసీ నేతలు విమర్శలు గుప్పించారు. సీఎం నియంతలా వ్యవహరిస్తున్నారని మాజీ మంత్రి అయ్యన్నపాత్రుడు మండిపడ్డారు. బంధువులైన విజయసాయిరెడ్డి, సజ్జల రామకృష్ణారెడ్డి, వైవీ సుబ్బారెడ్డిలను.. ఉత్తరాంధ్ర, కోస్తాంధ్ర, రాయలసీమలకు సామంత రాజులుగా ఎంపికచేశారని ఎద్దేవా చేశారు.

జగన్ రెడ్డి రాజ్యంలో సామాజిక న్యాయం అనే మాటే లేదని ఎమ్మెల్సీ బుద్ధా వెంకన్న మండిపడ్డారు. సీఎం జగన్​కు సామాజిక అన్యాయంలో మొదటి స్థానం ఇవ్వాలని తెదేపా అధికార ప్రతినిథి పంచుమర్తి అనురాధ విమర్శించారు.

ఇదీ చదవండి..