తనపై శాఖాపరమైన విచారణలో వివిధ అంశాలను తెలుసుకునేందుకు సీఎంవోలో పనిచేస్తున్న ఓ ముఖ్య అధికారిని పిలిపించాలని ఇంటెలిజెన్స్ మాజీ చీఫ్ ఏబీ వెంకటేశ్వరరావు కమిషనర్ ఆఫ్ ఎంక్వైరీస్ను కోరారు. ఏసీబీలోని సీఐయూ విభాగం డిప్యూటీ డైరెక్టర్ సాయికృష్ణ, సీఐడీ డీఎస్పీ విజయపాల్ను కూడా పిలిపించాలని విజ్ఞప్తి చేశారు. సచివాలయంలో కమిషనర్ ఆఫ్ ఎంక్వైరీస్ ఆర్పీ సిసోడియా చేపట్టిన తొలిరోజు విచారణకు హాజరైన ఏబీవీ... వివిధ ఆధారాలను సమర్పించారు. నిఘా పరికరాల కొనుగోళ్లకు సంబంధించిన ఒప్పందాలు, ప్రభుత్వ ఆదేశాలు, కేంద్ర హోంశాఖ, డీజీఎఫ్టీ, ఇంటెలిజెన్స్ సెక్యూరిటీ వింగ్ డీఐజీ సహా వేర్వేరు విభాగాలు ఇచ్చిన నివేదికలు, లేఖలను సమర్పించారు.
తనను సస్పెండ్ చేయడానికి నెలరోజులు ముందుగానే వేతనం నిలిపివేశారని.. కుట్ర పూరితంగా తనను తప్పుడు కేసులో ఇరికించేందుకు తీసుకున్న నిర్ణయం కంటే ముందే ఈ వ్యవహారం జరిగిందన్నారు. తనకు వేతనం నిలిపివేస్తూ 2020 జనవరి నెలలో సీఎస్ కార్యాలయం- డీజీపీ కార్యాలయం మధ్య నడిచిన దస్త్రాలను తెప్పించాల్సిందిగా ఏబీ వెంకటేశ్వరరావు కోరారు. తన తరపున వాదనలు వినిపించేందుకుగానూ ఈ దస్త్రాలు కీలకమవుతాయని పేర్కొన్నారు.
ఇదీచదవండి
సీఐడీ ఎఫ్‌ఐఆర్‌ను సవాల్ చేస్తూ.. హై కోర్టులో చంద్రబాబు క్వాష్ పిటిషన్
