ప్రభుత్వం పదోతరగతి పరీక్షల షెడ్యూల్ను విడుదల చేసింది. జూన్ 7 నుంచి 16 వరకు పరీక్షలు నిర్వహించనున్నట్లు విద్యాశాఖ మంత్రి ఆదిమూలపు సురేశ్ వెల్లడించారు. ఈ ఏడాది 7 పేపర్లుగా పరీక్షలు నిర్వహించేందుకు ఏర్పాట్లు చేస్తున్నామన్నారు. సైన్స్‌లో 2 పేపర్లు ఉంటాయని స్పష్టం చేశారు.
కరోనా దృష్ట్యా పాఠశాలలు ఎక్కువ రోజులు తెరవకపోవడంతో..విద్యా దినాలు కుదించాల్సి వచ్చిందన్నారు. అందువల్లే ఈసారి పది పరీక్షలను 7 పేపర్లకే నిర్వహించనున్నట్లు స్పష్టం చేశారు. మే 3 నుంచి 10 వ తేదీ వరకు ఇతర తరగతుల వారికి పరీక్షలు నిర్వహిస్తామన్నారు. జులై 1 నుంచి కొత్త విద్యా సంవత్సరం ప్రారంభమవుతుందని మంత్రి సురేశ్ వెల్లడించారు.
| తేదీ | పరీక్ష |
| జూన్ 7 | ఫస్ట్ లాంగ్వేజ్ |
| జూన్ 8 | సెకండ్ లాంగ్వేజ్ |
| జూన్ 9 | ఇంగ్లిష్ |
| జూన్ 10 | గణితం |
| జూన్ 11 | భౌతికశాస్త్రం |
| జూన్ 12 | జీవశాస్త్రం |
| జూన్ 14 | సాంఘికశాస్త్రం |
| జూన్ 15 | ఫస్ట్ లాంగ్వేజ్ పేపర్‌2 (కాంపోజిట్‌ కోర్సు) ఓఎస్‌ఎస్‌సీ మెయిన్‌ లాంగ్వేజ్ పేపర్‌ 1 (సంస్కృతం, అరబిక్‌, పర్షియన్‌) |
| జూన్ 16 | ఓఎస్‌ఎస్‌సీ మెయిన్‌ లాంగ్వేజ్ పేపర్‌ 2 (సంస్కృతం, అరబిక్‌, పర్షియన్‌) ఎస్‌ఎస్‌సీ ఒకేషనల్‌ కోర్సు (థియరీ) |
ఇదీచదవండి
