ఎస్​ఎఫ్ఐ చలో విజయవాడలో ఉద్రిక్తత.. విద్యార్థి నేతల అరెస్ట్​

students arrested: విజయవాడ లెనిన్‌ సెంటర్‌ వద్ద ఉద్రిక్తత నెలకొంది. చలో విజయవాడ సందర్భంగా భారీగా తరలివెళ్లిన విద్యార్థులను పోలీసులు అడ్డుకున్నారు. విద్యార్థులు, పోలీసులకు మధ్య తోపులాట జరిగింది. ఆందోళన చేస్తున్న విద్యార్థులను అరెస్టు చేశారు.

students arrested: విద్యారంగ సమస్యల పరిష్కారానికి ఎస్​ఎఫ్​ఐ పిలుపునిచ్చిన చలో విజయవాడ కార్యక్రమం.. తీవ్ర ఉద్రిక్తతకు దారి తీసింది. ఎస్​ఎఫ్​ఐ పిలుపుతో లెనిన్ సెంటర్‌ వద్దకు విద్యార్థులు పెద్దఎత్తున తరలివచ్చారు. విద్యారంగ సమస్యలు పరిష్కరించాలంటూ నినాదాలు చేశారు. జీవో నంబర్‌ 77ను రద్దుచేయాలని.. ఖాళీగా ఉన్న ప్రభుత్వ ఉద్యోగాలు భర్తీ చేయాలని డిమాండ్‌ చేశారు.

ఆందోళన చేస్తున్న విద్యార్థులను పోలీసులు అడ్డుకున్నారు. ఈ క్రమంలో ఇరు వర్గాల మధ్య తోపులాట చోటుచేసుకుంది. పరిస్థితి ఉద్రిక్తంగా మారడంతో పోలీసులు విద్యార్థులను అరెస్టు చేసి.. బలవంతంగా అక్కడి నుంచి తరలించారు.

ఇదీ చదవండి: "మహిళలకు జగన్‌ ఇచ్చిన హామీ గోవిందా.. గోవిందా.."