MPP ELECTION: 12 గంటల వరకు నామినేషన్ల పరిశీలన.. 3 గంటలకు ప్రత్యేక సమావేశం

రాష్ట్రవ్యాప్తంగా మండల పరిషత్‌ అధ్యక్షుల ఎన్నికకు సంబంధించి ఉదయం 10 గంటల నుంచి మధ్యాహ్నం 12 గంటల వరకూ నామినేషన్లను పరిశీలించారు. మధ్యాహ్నం 3 గంటల నుంచి ఎంపీపీ ఎన్నిక కోసం(MPP ELECTION) ప్రత్యేక సమావేశం నిర్వహించనున్నారు.

రాష్ట్రవ్యాప్తంగా మండలాధ్యక్షులు(MPP ELECTION), ఉపాధ్యక్షులు, కో-ఆప్షన్​ సభ్యుల ఎన్నికల నిర్వహణకు రంగం సిద్ధమైంది. ఇప్పటికే ఎంపీటీసీ(MPTC) ఎన్నికల ఫలితాలు విడుదలైనందున... తదుపరి ప్రక్రియ చేపట్టేందుకు ఎస్​ఈసీ(SEC) అన్ని ఏర్పాట్లు చేసింది. ఉదయం 10 గంటల వరకు నామినేషన్ల స్వీకరణకు అవకాశం కల్పించారు. 10 గంటల నుంచి మధ్యాహ్నం 12 గంటల వరకూ నామినేషన్లను పరిశీలించారు. మధ్యాహ్నం ఒంటి గంట వరకూ నామినేషన్లు ఉపసంహరణకు వీలు కల్పించారు.

ఆ తర్వాత నుంచి కో ఆప్షన్​ సభ్యుల ఎన్నిక, ప్రమాణ స్వీకార ప్రక్రియ నిర్వహించనున్నారు. మధ్యాహ్నం 3 గంటల నుంచి మండల ప్రజాపరిషత్ అధ్యక్షులు, ఉపాధ్యక్షుల ఎన్నిక కోసం ప్రత్యేక సమావేశం నిర్వహించనున్నారు.

ఇదీ చదవండి..