FINANCE DEPARTMENT: జీతాలు, పెన్షన్ బిల్లుల ప్రక్రియపై ఆర్థికశాఖ మరోసారి సర్క్యులర్ జారీ చేసింది. కొత్త పేస్కేళ్ల ప్రకారమే జీతాలు, పెన్షన్ బిల్లులను ప్రాసెస్ చేయాలని ఆదేశించింది. సర్క్యులర్ ప్రకారం నిర్దేశిత గడువులోగా జీతాలు, పెన్షన్ బిల్లుల ప్రక్రియ చేపట్టకుంటే క్రమశిక్షణా చర్యలు తప్పవని హెచ్చరించింది. ఆదేశాలు ఉల్లఘించే డీడీవోలు, పీఏవోలు, ట్రెజరీ అధికారులపై చర్యలు తప్పవని స్పష్టంచేసింది. జీతాలు, పెన్షన్ల బిల్లులను ప్రాసెస్ చేసే అంశంపై గడువు నిర్దేశిస్తూ సర్క్యులర్ విడుదల చేసింది.
ఇవాళ సాయంత్రంలోగా బిల్లులను అప్ లోడ్ చేయాలని డీడీవోలకు నిర్దేశించింది. అప్లోడ్ చేసిన బిల్లులను రేపటిలోగా ప్రాసెస్ చేయాల్సిందిగా పే అండ్ అకౌంట్స్ అధికారులకు ఆదేశాలు ఇచ్చింది. ఫిబ్రవరి 1వ తేదీ నాటికి జీతాలు జమయ్యేలా చూడాలని ట్రెజరీ అధికారులకు ఆర్థిక శాఖ సర్క్యులర్ లో స్పష్టంచేసింది. ఈ ప్రక్రియను గడువులోగా పూర్తిచేసేలా చూడాలని కార్యదర్శులు, హెచ్డీవో, కలెక్టర్లకు ఆర్థికశాఖ ఆదేశాలు జారీ చేసింది.
ఇదీ చదవండి: మహిళపై గ్యాంగ్రేప్.. జుట్టు కత్తిరించి, చెప్పుల దండతో ఊరేగింపు..!
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
