రహదారుల మరమ్మతు పనుల పరిశీలన

విజయవాడలో నగరపాలక సంస్థ కొత్త టెక్నాలజీతో రోడ్లకు మరమ్మతు చేస్తోంది. వర్షం పడినా దెబ్బతినని విధంగా పాలిమర్ కూల్ కాంక్రీట్ మిక్స్​తో రహదారికి మరమ్మతులు చేస్తున్నారు. ఈ పనులను మంత్రి వెల్లంపల్లి శ్రీనివాస్ పరిశీలించారు.

విజయవాడలో జరుగుతున్న రహదారుల మరమ్మతు పనులను మంత్రి వెల్లంపల్లి శ్రీనివాస్ పరిశీలించారు. నగరవ్యాప్తంగా పలుచోట్ల రోడ్లపై గుంతలు పడి ప్రయాణికులు ఇబ్బుంది పడుతున్నారు. వాటికి నగరపాలక సంస్థ అధికారులు మరమ్మతు చేస్తున్నారు. వన్​టౌన్ నెహ్రూ బొమ్మ సెంటర్ నుంచి చిట్టినగర్ వరకు జరుగుతున్న పనులపై మంత్రి ఆరా తీశారు. పనుల నాణ్యతను అడిగి తెలుసుకున్నారు. సాధారణ పద్ధతిలో వేసిన రోడ్లు త్వరగా దెబ్బతింటున్నాయని, అందుకే ఈసారి పాలిమర్ కలిగిన కూల్ కాంక్రీట్ మిక్స్​తో మరమ్మతులు చేస్తున్నామని మంత్రి తెలిపారు.

ఇదీ చదవండి.. స్వామి దర్శనానికి సాహసం.. తరిస్తోంది భక్త జనం