పన్ను భారం లేకుండా ప్రశాంతంగా ఉండే నగరం కావాలంటే తెదేపా అభ్యర్ధులను కార్పొరేటర్లుగా ఎన్నుకోవాలని.. విజయవాడ పార్లమెంట్ సభ్యుడు కేశినేని నాని అన్నారు. విజయవాడ పశ్చిమ నియోజకవర్గం 51వ డివిజన్లో స్ధానిక కార్పొరేటర్ అభ్యర్ధి కిరణ్ తరుపున ఆయన ఎన్నికల ప్రచారం నిర్వహించారు. విజయవాడ నగరంలో వైకాపాని గెలిపిస్తే నగర ప్రజలకు పన్నుల భారం భారీగా పడుతుందని.. తాము అధికారంలోకి వస్తే పన్నుల భారం లేని నగరంగా తీర్చిదిద్దుతామని హామీ ఇచ్చారు. ఇప్పటికే నగరంలో సామాన్య, మధ్యతరగతి ప్రజలు తీవ్ర ఇబ్బందులు పడుతున్నారని తెలపారు. అందుకే తాను స్వయంగా ఎన్నికల ప్రచారం నిర్వహిస్తున్నట్లు వివరించారు.
ఇదీ చదవండి: 'కొత్తగా నోటిఫికేషన్ ఇస్తేనే ప్రజాస్వామ్యాన్ని బతికించినట్లవుతుంది'
