హైదరాబాద్​ మెట్రోను వెంటాడుతున్న సాంకేతిక సమస్యలు

తెలంగాణలో ఉదయం పదిన్నర సమయంలో ప్యారడైస్ స్టేషన్ వద్ద సాంకేతిక సమస్యతో హైదరాబాద్ మెట్రో రైలు ఆగిపోయింది. వెంటనే స్పందించిన సిబ్బంది ప్రయాణికులకు ఇబ్బంది కలుగకుండా ప్రత్యామ్నాయ ఏర్పాట్లు చేశారు.

హైదరాబాద్ మెట్రో రైలును సాంకేతిక సమస్యలు వెంటాడుతున్నాయి. ఇవాళ ఉదయం పదిన్నర గంటల సమయంలో నాగోలు నుంచి అమీర్​పేట వెళ్తున్న మెట్రో రైలు.. ప్యారడైస్ స్టేషన్​ వద్ద సాంకేతిక సమస్యతో అరగంటపాటు నిలిచిపోయింది. స్పందించిన మెట్రో సాంకేతిక సిబ్బంది మరమ్మతులు చేసినప్పటికీ రైలు కదలకపోగా మరో మెట్రోరైలును రప్పించి ప్రకాశ్​నగర్ మెట్రో స్టేషన్​లోని సైడ్​ ట్రాక్​కు తరలించారు. ప్రయాణికులు ఇబ్బంది పడకుండా మరో రైలును నడిపించారు. ప్యారడైస్ స్టేషన్​లో విద్యుత్ సరఫరాలో అంతరాయం జరిగినందుకే సాంకేతిక సమస్య ఉత్పన్నమైందని అధికారులు వెల్లడించారు.

ఇదీ చదవండిః చల్లని గాలి..పరుపులపై నిద్ర..ఆ గోవు రూటే సపరేటు!