హెచ్​సీఏ‌పై వస్తున్న వార్తల్లో వాస్తవం లేదు: అజారుద్దీన్ ‌

హైదరాబాద్‌లో ఐపీఎల్ నిర్వహణపై బీసీసీఐని సంప్రదించామని హెచ్​సీఏ అధ్యక్షుడు అజారుద్దీన్‌ స్పష్టం చేశారు. అయితే దీనిపై బీసీసీఐ స్పందించలేదని తెలిపారు. అసోసియేషన్‌పై వస్తున్న పుకార్లలో వాస్తవం లేదన్నారు.

హైదరాబాద్‌లో ఐపీఎల్​ మ్యాచ్‌లు నిర్వహించకపోవడం విషయంలో బీసీసీఐని సంప్రదించినా ఎలాంటి స్పందన లేదని... హైదరాబాద్ క్రికెట్ అసోసియేషన్ అధ్యక్షుడు అజారుద్దీన్ స్పష్టం చేశారు. హైదరాబాద్ క్రికెట్ అసోసియేషన్‌లో జరిగిన సమావేశంలో ఆయన పాల్గొన్నారు.

ఐపీఎల్ మ్యాచ్‌ల నిర్వహణ హైదరాబాద్‌లో లేకపోవడం వల్ల...హెచ్​సీఏపై వస్తున్న విమర్శల్లో వాస్తవం లేదన్నారు. కొంతమంది వ్యక్తులు కావాలని బురదజల్లే ప్రయత్నం చేస్తున్నారని ఆక్షేపించారు. అండర్- 19, విజయ్ హజారే, ముస్తాక్ అలీ ట్రోఫీలకు సంబంధించి ఆటగాళ్ల ఎంపికలో హెచ్​సీఏ ప్రమేయం లేదని తెలిపారు. ఐపీఎల్ మ్యాచ్‌ల నిర్వహణ విషయంలో బీసీసీఐదే తుది నిర్ణయమని వెల్లడించారు.

ఇదీ చదవండి: పురపోరు: పోలింగ్​కు కౌంట్​డౌన్ స్టార్ట్..!