సీఎం జగన్ పై కీర్తన పాడిన గవర్నర్ నరసింహన్

తాను ఎక్కడున్న ఆంధ్రప్రదేశ్ రాష్ట్ర అభివృద్ధిని కోరుకుంటానని గవర్నర్ నరసింహన్ వీడ్కోలు సమావేశంలో తెలిపారు. ఈ సందర్భంగా సీఎం జగన్ పై గవర్నర్ కీర్తన పాడారు.

విజయవాడలో గవర్నర్‌ నరసింహన్‌ ఆత్మీయ వీడ్కోలు కార్యక్రమానికి సీఎం జగన్ దంపతులు సహా మంత్రులు, ఎమ్మెల్యేలు, ఎమ్మెల్సీలు, పలువురు ఉన్నతాధికారులు హాజరయ్యారు. ఈ సందర్భంగా సీఎం జగన్ పై గవర్నర్ ప్రశంసలు కురిపించారు. జగన్ ప్రమాణస్వీకారం వేళ తనకి... 'నన్ను పాలించేందుకు నడిచి వచ్చావా ఓ రామా' అనే త్యాగరాయ కీర్తన గుర్తొచ్చిందన్నారు. అలాగే రాష్ట్రాన్ని పాలించేందుకు వచ్చావా ఓ జగన్ అని ప్రజలు అనుకుంటున్నట్లు తనకి అనిపించిందని అన్నారు.