రాష్ట్రవ్యాప్తంగా బీఈడీ కళాశాలల్లో ఫీజులను నిర్ధారిస్తూ రాష్ట్ర ప్రభుత్వం ఉత్తర్వులు జారీ చేసింది. ఏపీ ఉన్నత విద్యా ఫీజుల నియంత్రణ కమిషన్ సిఫార్సుల మేరకు రాష్ట్రంలోని వివిధ బీఈడీ కళాశాలల్లో 2020-21 నుంచి 2022-23 సంవత్సరాల మధ్య ఫీజులను నిర్ధారించారు. ఈ మేరకు ఉన్నత విద్యాశాఖ ప్రత్యేక ప్రధాన కార్యదర్శి సతీష్ చంద్ర ఉత్తర్వులు జారీ చేశారు. ప్రైవేటు, అన్ఎయిడెడ్ కళాశాలల్లో బీఈడీ కోర్సులకు రూ.10 వేల నుంచి గరిష్టంగా 15 వేల వరకూ ఫీజులు నిర్ధారించింది.
ప్రభుత్వం నిర్దేశించిన ఫీజులోనే వార్షిక ఫీజు, ట్యూషన్ ఫీజు, తదితర ఫీజులు ఇమిడి ఉంటాయని స్పష్టం చేసింది. కళాశాలల వారీగా రాష్ట్రంలోని 374 ప్రైవేటు, అన్ఎయిడెడ్ కళాశాలకు ఉత్తర్వులు వర్తిస్తాయని నోటిఫికేషన్లో పేర్కొంది.
ఇదీ చూడండి: పంచాయతీ ఎన్నికలు: ఈనెల 22న ఎస్ఈసీ మీడియా సమావేశం
