రాష్ట్రంలో అనేక చోట్ల సబ్ రిజిస్ట్రార్ కార్యాలయాల్లో నకిలీ చలానాల బాగోతం వెలుగు చూస్తోంది. విజయవాడ గాంధీనగర్ సబ్ రిజిస్ట్రార్ కార్యాలయంలో నకిలీ చలానాలు బయటపడ్డాయి. నేరెళ్ల వెంకట కనక దుర్గాప్రసాద్ అనే వ్యక్తి పేరిట రిజిస్ట్రర్ అయిన భూమికి సంబంధించి దాఖలైన చలానా నకిలీదని తేలింది. 70వేల 300 రూపాయలు విలువైన చలానాను గుర్తించిన జాయింట్ సబ్ రిజిస్ట్రార్.. దీనిపై గవర్నర్ పేట పోలీసులకు ఫిర్యాదు చేశారు. దీనిపై పోలీసులు ఐపీసి సెక్షన్ 420 ప్రకారం కేసు నమోదు చేసి దర్యాప్తు చేపట్టారు.
పశ్చిమ గోదావరి జిల్లా తణుకు సబ్ రిజిస్టర్ కార్యాలయంపై అవినీతి నిరోధక శాఖ అధికారులు ఆకస్మిక దాడి చేశారు. ఇన్ ఛార్జ్ సబ్ రిజిస్ట్రార్ వద్ద అనధికారికంగా ఉన్న 54 వేల వంద రూపాయలు స్వాధీనం చేసుకున్నారు. కార్యాలయంలో ఇతర అవకతవకలు కూడా జరిగినట్లు సమాచారం ఉందని... వాటి మీద కూడా విచారణ చేస్తామని అ.ని. శా. అధికారులు తెలిపారు.
ఇదీ చదవండి:
CS Meeting with IAS officers: 'ఐఏఎస్ అధికారులూ.. సచివాలయానికి రండి!'
