మతిస్థిమితం సరిగా లేని ఓ మహిళను ఛత్తీస్గఢ్ రాష్ట్రంలోని బస్తర్ పోలీసులు.. కుమారుల వద్దకు చేర్చారు. పశ్చిమగోదావరి జిల్లా దేవరపల్లి గ్రామానికి చెందిన ఓ మహిళకు మతిస్థిమితం సరిగా లేదు. ఎనిమిది నెలల క్రితం ఆమె ఇంటి నుంచి వెళ్లిపోయింది. ఈ ఘటనపై బాధితురాలి కుటుంబీకులు స్థానిక పోలీసులకు ఫిర్యాదు చేశారు. వారి ఫిర్యాదుతో దేవరపల్లి పోలీసులు దర్యాప్తు చేస్తున్నారు.
ఈ క్రమంలో.. బస్తర్లో అనుమానాస్పదంగా తిరుగతూ, తెలుగులో మాట్లాడుతుండటాన్ని గమనించిన స్థానికులు పోలీసులకు సమాచారం అందించారు. వారి సమాచారంతో మహిళను చేరదీసిన పోలీసులు ఆమె వివరాలు తెలుసుకుని కుటుంబసభ్యుల చెంతకు చేర్చారు. తప్పిపోయిన తల్లిని.. తిరిగి తమ వద్దకు చేర్చిన పోలీసులకు బాధితురాలి కుమారులు కృతజ్ఞతలు తెలిపారు.
ఇదీచదవండి.
