కృష్ణానదీ జలాలను కాపాడటంలో ముఖ్యమంత్రి కేసీఆర్ వైఫల్యం చెందారని భాజపా తెలంగాణ రాష్ట్ర అధ్యక్షుడు బండి సంజయ్ ఆరోపించారు. కేసీఆర్ అసమర్థతను నిరసిస్తూ.. రాష్ట్ర వ్యాప్తంగా ఇవాళ నల్లజెండాలు ఎగురవేశామని తెలిపారు. కృష్ణానదిలో వాస్తవానికి తెలంగాణ వాటా 535 టీఎంసీలు ఉండాలి కానీ కేసీఆర్ నిర్లక్ష్యం కారణంగా 299 టీఎంసీలకు పరిమితమైందని దుయ్యబట్టారు.
పోతిరెడ్డిపాడు ద్వారా తెలంగాణకు జరిగే అన్యాయాన్ని కేంద్ర జలశక్తి మంత్రి గజేంద్రసింగ్ శఖావత్కు రాష్ట్ర భాజపా శాఖ తరఫున రాసిన లేఖకు ఆయన స్పందించి కేఆర్ఎంబీ సమావేశం ఏర్పాటు చేయాలని ఆదేశించారన్నారు. ప్రాజెక్టుల నిర్మాణాలకు భాజపా వ్యతిరేకం కాదని... తెలంగాణ ప్రయోజనాలు దెబ్బతిస్తే.. చూస్తూ ఊరుకోబోమని స్పష్టం చేశారు.
ఇవీ చూడండి: పోతిరెడ్డిపాడుపై రాష్ట్రాన్ని వివరాలు కోరనున్న కృష్ణా బోర్డు!
