ఏఎస్ఆర్టీయూ నిర్వహించిన ఐటీ ఇన్ డిజటలైజేషన్ ఎక్సలెన్స్ అవార్డు పోటీల్లో ఏపీఎస్ఆర్టీసీ విజేతగా నిలిచింది. దేశంలో 64 ఆర్టీసీలు ఉండగా..వీటన్నింటినీ దాటుకుని ఐటీ ఆధారిత సేవల్లో ప్రథమ స్థానంలో నిలిచింది. తద్వారా మన ఆర్టీసీ దేశవ్యాప్త గుర్తింపు సాధించింది. ఐటీ ఆధారంగా ఆన్లైన్ ద్వారా టికెట్ల బుకింగ్, బస్సు రాకపోకల కచ్చిత సమయ వేళలను తెలియజేసేందుకు ఏపీఎస్ఆర్టీసీ లైవ్ ట్రాక్ సహా ఇతరత్రా మొబైల్ యాప్లు, సాంకేతిక సేవలు అందిస్తూ ప్రయాణికులకు మెరుగైన సేవలందిస్తోంది. ప్రయాణికుల మన్ననలు అందుకుంటూ సత్తా చాటింది. దిల్లీలో జరిగిన కార్యక్రమంలో ఆర్టీసీ ఈడీ ఎ.కోటేశ్వరరావు అవార్డును అందుకున్నారు.
ఇదీ చదవండి: వైద్య, విద్యా రంగాల్లో ఉద్యోగాల భర్తీకి సీఎం ఆదేశాలు
